SECTIONS
Superbalita Cebu
Thursday, December 09, 2021
SUPERBALITA CEBU

Daluz nanghimakak nga midawat og suburno

Si Metropolitan Cebu Water District Chairman Jose Daluz III nanghimakak sa mga pasangil ni Benito Aratea, quarry operator, nga siya nidawat og suborno kalabot sa libreng diversion road project gikan sa Barangay Pardo ngadto Barangay Toong, Dakbayan sa Sugbo.

“Never. Wa g’yod ta maghisgot ana. Niingon lang ta (that) you take care of mga tag-iyas yuta kay nangreklamo na kay naghimo ka’g quarry diha,” matod ni Daluz III sa usa ka interview tali sa Cebu City hall reporters sa Biyernes sa buntag, Oktubre 15, 2021.

Si Daluz usa sa mga opisyal sa Kagamhanan sa Dakbayan sa Sugbo nga giakusahan ni Aratea atol sa regular session sa Konseho sa Miyerkules, Oktubre 13, nga nakadawat og suburno nga P100,000 ngadto sa P200,000 aron siya tugtan nga makatrabaho sa karsada ug makakuha og waste disposal permit alang sa road construction.

Si Aratea niatubang sa Konseho sa Miyerkules tungod sa pagdapit ni Konsehal Nestor Archival, sakop sa lokal nga Bando Osmeña Pundok Kauswagan, human si Aratea nisuwat ngadto sa Konseho aron pagpasabot sa mga sirkumstanya sa pagkahunong sa pagbukas sa karsada sa dapit.

Gawas kang Daluz, si Aratea namasangil usab sa Cebu City Environment and Natural Resources Office (CENRO), Cebu City Administrator Jose Daluz III, kanhi City legal officer Rey Gealon, ug Jaypee Labella, anak ni Cebu City Mayor Edgardo Labella.

Sila si Casas ug Gealon nangluwat og mga pamahayag sa mga tigbalita nga nanghimakak sa mga alegasyon.

Sa katapusang semana sa Agusto, ang Cenro niluwat og cease and desist order batok sa pagbukas sa karsada human ang mga tag-iya sa kasikbit nga mga luna nangreklamo nga ang operasyon sama na og quarry operations tungod sa kadak-on na sa natibhang sa bukid.

Matod ni Daluz nga si Aratea nangayo kaniyag panabang sa proyekto kay mobukas siya sa karsada nga di na mogasto ang Siyudad.

“Niingon siya, since naa may plano ang Siyudad na mag open og road, siya nay open and at no cost to the City, while we already have a P150 million budget for the opening of road. Nalipay ta kay siya na lay mo bulldoze nya ang among P150 million, ato nalang ning gamiton sa semento, road concreting, drainage, and everything,” matod ni Daluz.

Matod ni Daluz nga si Aratea gitambagan sa pagkuha og permit ug makigsulti sa mga nanag-iya og luna.

Nanghimakak sab si Daluz nga duna siyay yuta sa dapit sukwahi sa sulti ni Aratea. Matod niya nga duna siyay kliyente nga nanag-iya og luna sa dapit, kinsa nalipay unta sa road project.

“What happened is that nangreklamo ang mga property owners kay wa man ni maghimo og dan, nag quarry ra man na siya diha, so gipaundang siya. That’s the story,” matod ni Daluz. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!