Mga barangay kapitan ang niendurso kang Rhea Gullas, asawa ni Talisay City Mayor Gerald Anthony “Samsam” Gullas, aron padaganon sa pagka mayor sa national ug local elections sa 2022.
Kini bisan kon sila si Samsam ug iyang apohan nga si Kongresista Eduardo Gullas sa unang distrito sa lalawigan sa Sugbo gusto ug niendurso kang Bise Mayor Alan Bucao.
Mao kini ang giluwatang opisyal nga pamahayag sa mayor human si Bucao namasangil nga wa motuman ang mga Gullas sa ilang saad nga ang bise mayor maoy standard bearer sa Alayon party sa 2022 elections.
Si Gullas niingon nga iyang gisultihan ang mga barangay kapitan sa dihang nangutana kaniya kinsa ang mangulo sa partido human nila mahibaw-i nga ang kongresista moretiro na sa pulitika ug siya ang padaganon pagka representante puli sa 90-anyos niyang apohan.
“Without any hesitation I said, “Vice Mayor Alan maayo nato himuon og Mayor.” It is not true that I didn’t endorse Vice Mayor Alan, actually he is the one I endorsed to our leaders once they asked me who will our mayoralty candidate in Talisay. I said, “as vice mayor, maayo gyud kon si Vice Mayor Alan Bucao ato suportahan pagka mayor,” matod sa mayor sa iyang pamahayag.
Apan nakugang siya sa reaksyon sa mga barangay kapitan kay gusto nila nga si Bucao magpabilin nga bise mayor samtang si Rhea ang ilang gustong padaganon aron mapadayon ang ilang nasugdan nga mga proyekto.
Dihang niinsister siya nga si Bucao ang modagan pagka mayor kay mao say nauyonan nila sa iyang apohan, nangayog pasaylo ang mga kapitan nga suportahan siya sa pagka kongresista, apan di si Bucao ang ilang paluyohan.
“When I endorsed and insisted that Vice Alan be our candidate for mayor, our leaders said, “buwag buwag lang ta mayor, ikaw lang among Cong, lain lang among suportahan sa Mayor. Si Rhea nalang kaha mayor para madayon ning atong gipang buhat?,” dugang asoy ni Gullas.
Matod sa mayor nga makakompirmar ang si bisan kinsa niini sa mga barangay kapitan.
“You can confirm this with all the barangay captains if I’m telling the truth or not. Everytime I get to explain this story to people, I would always tell them, “walay mawagtang nako if mu ingon kos tinuod. Daghan mawagtang nako if mamakak ko ninyo kay wala nay mutuo nako kon bakakan mo nako,”matod sa mayor.
Matod niya nga sama kang Bucao, duna usay mga barangay kapitan nga katuigan nang nagsuporta kanila.
Si Bucao 32 ka tuig nang sakop sa Alayon, apan nagtukod og iyang partido uban sa iyang mga kaalyado human giingong wa motuman ang mga Gullas sa ilang saad kaniya sukad niadtong 2016 elections.
Matod ni Gullas nga dihang nasakit siya sa Covid-19, nakabasa siya og artikulo kalabot sa ilang meeting nga ang 22 ka mga barangay kapitan di makasuporta sa kandidatura ni Bucao.
Nakigsulti siya kang Bucao ug sa asawa niini nga si Konsehal Marietta Bucao aron estoryahan kini.
Iyang gihatagan og duha ka mga semana ang magtiayon sa paghuna-huna, apan tulo ka semana na lang ang nakalabay, wa kini makigtagbo kaniya.
“They told me to give them two weeks to think and talk to people close to them. Around 3 weeks have passed and we met again. They then said, “grupo man ta mayor, willing rami mo dagan as VM and Yehyen as councilor under Alayon,” dugang sa mayor. (REV)