Kadto lamang kompleto na sa bakuna batok Covid-19 ang gitigutan nga makabisita sa mga sam-ang sa Cebu City sa Nobiyembre 1 (All Saints’ Day) ug Nobiyembre 2 (All Souls’ Day), base sa Oplan “Kalag-Kalag” guidelines nga gipagawas sa City government niadtong Biyernes, Oktubre 15, 2021.
Apan pwede ra hinuon ang “categorized, scheduled, ug regulated” nga “open house admission” alang sa tanan, bisan wa pa nabakunahan nga nagpangedaron og 18 anyos hangtod sa 65 anyos, apan gikan lang sa Oktubre 18 hangtod Oktubre 30, 2021 ug gikan Nobyembre 3 hangtod Nobyembre 5, 2021.
Sa usa ka unom ka pahina nga resolusyon nga gipirmahan ni Acting Cebu City Mayor Michael Rama, gipahibawo nga lima lamang ka mga bisita matag lubnganan ang itugot. Adunay i deploy nga team alang sa pag monitor aron masunod kini ang iyang EO.
Dugang pa niini, ang pagselebrar og misa gitugot lamang sulod sa mga kapilya sa mga sam-ang ug 50 porsyento ra sa kinatibuk-ang kapasidad niini usab ang makatambong.
Ang skedyul mag gikan sa sa alas 6 sa buntag hangtod ala una sa hapon ug ang misa kinahanglang di molapas sa 30 minutos.
Ginadili usab ang pagdala og mga pagkaon ug ilimnong makahubog sulod sa mga sementeryo. Samtang gitugot ra hinuon ang pagdala og pagkaon nga alang sa mga patay.
Nagpahibawo usab ang Siyudad nga labing dugay na ang usa ka oras nga pag bisita ngadto sulod sa sementeryo.
Alang niini, adunay pagahimuon nga color-coded time scheme kun diin ang mga bisita butangan og kolor nga maoy basehan sa pag stay ug pag exit sa sam-ang human ang usa ka oras.
Nag-anunsyo usab ang Cebu City sa allowed capacity sa mga sementeryo:
--Pardo Cemetery: 350 individuals
--Labangon Bliss Veterans Cemetery: 250 individuals
--Calamba Cemtery: 350 individuals
--Cabantan Cemetery: 170 individuals
--Talamban Cemetery: 150 individuals
--Carreta (Cathedral) Cemetery: 450 individuals
--Carreta (Sto. Rosario) Cemetery: 110 individuals
--Private Cemeteries: maximum of 50 percent of its capacity
Gidili usab ang mga manindahay ug ang pag merchandise sulod mismo sa mga sam-ang apan pwede ra pagahimoon sa mga authorized areas nga gawas na sa 30-meter radius sa mga entrance sa sementeryo, basta lang gipatuman ang minimum health standards ug protocols.
I-sanitize usab ang mga sementeryo gikan sa alas 6 sa gabii hangtod alas 5 sa buntag.
Samtang ipatuman usab sa Cebu City ang pag limita sa ihap sa mga sakyanan nga makasulod sa vicinity sa sementeryo.
Ang parking spaces usab adto ipahigayon gawas sa 500-meter radius gikan sa entrance sa sementeryo.
Makig-coordinate usab ang Siyudad sa Land Transportation Office (LTO) ug Land Transportation Franchising and Regulatory Board (LTFRB) alang sa posibleng mga shuttle bus nga magdala sa mga mobisita sa sementeryo gikan sa designated drop off hangtod sa sementeryo mismo.