SUPERBALITA CEBU

Nagmotor sa Mactan bridge naligsan sa trak, napisat

GILIMPYUHAN: Tungod sa daghang dugo ug pino nga mga parte sa lawas ni Rody Amistad, gipasiritan kini og tubig. Ang motorsiklo ni Amistad nga wa pa mahipos sa mga awtoridad human siya maligsi sa usa ka dumptruck./ ALAN TANGCAWAN

Wala na naporma ang lawas sa usa ka lalake human nga nalatayan sa usa ka dumptruck nga mo-overtake unta niini sa may tiilan sa Marcelo Fernan Bridge sa U.N. Avenue, Barangay Umapad, Mandaue City ala 1:35 sa hapon sa Sabado, Oktubre 16, 2021.

Giila ang biktima nga si Rody Amistad, 52, minyo, taga Barangay Abuno, Lapu-Lapu City.

Samtang, giila ang drayber sa dumptruck nga si Aldwin Hermosilla, 49, taga Carcar City, habagatang Sugbo.

Matod ni Police Lieutenant Lt. Colonel Eloveo Marquez, tigpamaba sa Mandaue City Police Office (MCPO) nga base sa kuha sa closed circuit television (CCTV) camera sa lugar, nakita nga nag-una si Amistad sakay sa iyang motor. Nagsunod ang dumptruck nga gimaneho ni Hermosilla.Ang duha paingon sa Lapu-Lapu City.

Pag-abot sa may tiilan sa Marcelo Fernan Bridge paingon saka sa taytayan, ni-overtake si Hermosilla ug nadumbolan si Amistad.

Nawad-an og balanse si Amistad hinungdan nga natumba ngadto sa ikaduhang ligid sa dumptruck ug nalatayan siya.

Girespondehan kini sa MCPO Traffic Group diin gidala nila si Hermosilla sa ilang kustodiya.

Samtang, ang lawas ni Amistad gidala sa Mandaue City Hospital bisan kon kini wa na maporma ug gikan didto gihatod sa punerarya.

Matod ni Marquez nga wala pa silay nadawat nga bisan unsang feedback gikan sa kabanay ni Amistad.

Sigon ni Marquez nga kon dili makig-settle ang pamilya ni Amistad, posibleng kasohan og reckless driving resulting to homicide and damage to property ang atubangon ni Amistad.

NABANGGA



Namatay ang usa ka mekaniko human nabangga siya nabangga sa gi-park nga Elf truck samtang nagmotorsiklo alas 5:15 sa buntag sa Sabado, Oktubre 16, 2021 sa national highway sa Brgy. Cabiangon, lungsod sa Pinamungajan.

Si Erwin Ysatam, 35, minyo, taga Purok Tugas, Brgy. Rizal, Pinamungajan patay nang nidangat sa tambalanan human nakaangkog grabing kadaot sa ulo ug kalawasan.

Wala pa igkita ang driver ingon man sakyanan nga Elf nga daling mibiya human sa insidente.

Si Police Master Sgt. Ryan Mangilimotan sa Pinamungahan Police Station nga nahinabi sa Superbalita Cebu nagkanayon nga si Ysatam biktima sakay sa iyang Honda Beat nga motorsiklo.

Sumala sa saksi nga kusog ang pagpadagan ni Ysatam padulong sa trabaho isip mekaniko sa Carmen Copper nga nakabasi sa Lutopan, dakbayan sa Toledo.

Apan sa pag-abot sa dapit, nibangga siya sa Elf truck nga nakaparking.

Ang mga nakasaksi nakugang, wala na nila magukod ang Elf truck samtang ang driver kusog nga nakapadagan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!