KIDAPAWAN CITY -- Pulos igo sa bala sa ulo ang naangkon sa tulo ka mga lalaki nga nakaplagang patay alas 12:15 sa udto niadtong Sabado.
Usa sa tulo ka mga biktima nailhan nga si Darwin Pama Sabes, nagpuyo sa Midsayap, North Cotabato.
Sumala kang Aleosan Chief of Police Captain Arvin John Cambang, mismo ang mga molupyo sa Purok J, Barangay Dualing sa lungsod maoy nagpaabot kanila og impormasyon sa nakaplagan nga tulo ka mga patay'ng lawas daplin sa Provincial Road sa dapit.
Nakompirma sa mirespondeng mga pulis nga mga biktima nakahiagom og mga samad pinusilan sa ulo nga maoy hinungdan sa ilang kamatayon.
Gikanayon sa pipila ka molupyo sa dapit nga sa wala pa makaplagi ang mga patay nga lawas sa tulo, nakadungo sila og mga buto sa pusil ug dunay mituratoy nga sakyanan palayo sa dapit.
Gituohan nga ang duha ka mga biktima gikan sa mga kasikbit nga dapit sa lungsod gumikan kay way nakaila kanila sa dapit.
Gisubay pa sa kapulisan sa Aleosan Municipal Police Station ang maong kriment. (Edgar E. Fuerzas)