SUPERBALITA CEBU

Caindec mipahimangno kabahin sa overloading

PUNO SA PASAHERO: Ehemplo kini sa sakyanan nga puno sa mga pasahero nga supak sa balaud. / SunStar File

Gipahinumdoman ni Land Transportation Office (LTO) 7 director Victor

Emmanuel Caindec ang mga motorista ug mga drayber sa tanang matang sa sakyanan bahin sa subra kapuno o overloading nga illegal ug walay exception bisan sa mga sakyanan sa kagamhanan.

Si Caindec, mi-post sa iyang Facebook account, sa paghatag og pahimangno human nahinumdom nga dunay sakyanan nga gipanag-iya sa

kagamhanan nayabo human ang mga pasahero nanagduot sa usa ka bahin sa luyo nga kargahanan og sakyanan.

“Many blamed the law for not enforcing the law. When LTO started strictly enforcing the law, many people called LTO enforcers inconsiderate and abusive,” tipik sa post ni Caindec.

“The law applies to all and the ignorance of the law is not an excuse,” dason niya.

Matod ni Caindec, wala kwentaha kon giunsa sa paggamit nga dunay maayong tumong o para sa proyekto sa kagamhanan o pribadong negosyo, human wala kini magbahig sa epekto sa pagkadisgrasya.

Ang LTO nimando sa tanang law enforcement personnel ug deputized agents alang sa transportasyon sa estrikto nga pagpatuman sa Sections 32 ug 51 sa Republic Act No. 4136 nga nagdili sa operasyon sa mga sakyanan nga subra sa iyang kapasidad ug ang sakay nga mga pasahero sa luyo nga alang sa kargamento.

Busa, kalapasan sa balaud sa pagtugot sa mga pasahero sa luyo sa dekarga lakip sa pick-up vehicles.

Sa Hulyo 2019, pito ka mga bata nga tinun-an ug laing duha sa lungsod sa Boljoon sa habagatan sa lalawigan sa Sugbo ang namatay dihang nayabo ang ilang gisakyan nga trak.

Sa 2011, 10 ka pasahero ang patay nga kabahin sa naghatod sa patay sa paglubong ug 50 ang angol sa Barili human ang dump truck sa lungsod ang nayabo.

Subli, ang Department of the Interior and Local Government (DILG) niluwat og memorandum nga nagdili sa local government units (LGU) sa pagpagamit sa dump trucks sa pagpasakay og mga tawo. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!