Scheduling sa pagbisita sa mga sam-ang sa Consolacion; sirado sa Nobiyembre 1, 2

Sa pagseguro nga protektado sa pagtakod sa bisan unsang sakit atol sa pagbisita sa mga sementeryo, gimandoan sa kagamhanan sa lungsod sa Consolacion ang tanang senior citizens nga dili pwede mosulod o moduaw sa mga sam-ang kon wala kini mabakunahi kontra Covid-19.

Aron makasulod, gikinahanglan nga dad-on ang vaccination card nga ipakita sa mga awtoridad atol sa pagduaw.

Kini maoy gipahibalo sa kagamhanan, diin pipila ka adlaw sa dili pa ang adlaw sa pag-obserbar sa kalag-kalag, ipatuman ang scheduling sa pagduaw.

Ang lungsod aduna kini’y upat ka mga sementeryo nga nahimutang sa Barangay Tayud, Nangka, Pulpogan ug Riverside.

Paagi aron dili maghuot sa sulod, ipatuman ang scheduling matag barangay.

Ang pagduaw gitugot sugod sa Oktubre 25-29 ug Nobiyembre 5-10, gikan sa alas 8:00 sa buntag hangtod sa alas 8:00 sa gabii.

Sa Oktubre 30 hangtod sa Nobiyembre 4, siradoan ang tanan nga mga sementeryo sa lungsod.

Ang schedule sa pagbisita:

Oktubre 25 - Barangay Tayud

Oktubre 26 - Barangay Casili ug Panas

Oktubre 27 - Barangay Pulpogan ug Panoypoy

Oktubre 28 - Barangay Nangka ug Tilhaong

Oktubre 29 - Barangay Jugan ug Sacsac

Nobiyembre 5 - Barangay Lamac ug Polog

Nobiyembre 6 - Barangay Tugbongan ug Garing

Nobiyembre 7 - Barangay Pitogo ug Tolo-tolo

Nobiyembre 8 - Barangay Cansaga ug Cabangahan

Nobiyembre 9 - Barangay Poblacion Occidental ug Oriental

* Nobiyembre 10 - Barangay Lanipga ug Danlag

Gipahinumdoman sa ka-

gamhanan ang mga residente nga dili pwede magdala og bata o kadtong nag-edad 12 paubos.

Kinahanglan usab ang pagsul-ob og face mask ug face shield. Lakip sa ipatuman ang liquor ban.

Alang sa mga dili residente sa lungsod, mahimo kining mobisita sa dili pa ang Oktubre 25 ug liwas sa Nobiyembre 10. (ANV)