Comelec registration gilugwayan og adlaw

Comelec registration gilugwayan og adlaw. (File photo)
Comelec registration gilugwayan og adlaw. (File photo)

Gilugwayan sa Commission on Elections (Comelec) matag Sabado sa mga piniling petsa hangtod sa

kataposang adlaw sa pagparehistro sa Oktubre 30.

Mao kini ang gipahibalo ni Atty. Lionel Castillano, election supervisor sa Probinsya sa Sugbo.

Subay sa bag-ong direktiba nga giluwatan sa Comelec, mahimo na nga makaparehistro ang mga taga Dakbayan sa Cebu, Mandaue ug Lapu-Lapu sa Sabado.

Midugang si Castillano nga sa Oktubre 30, Sabado, abli ang tanang opisina sa Comelec aroind sa pagdawat sa mag magparehistro.

Dugang kini nga adlaw sa pagdawat og bag-ong mga moparehistro alang sa umaabot nga piniliay sa Mayo 2022, pipila ka adlaw sa dili pa ang hingpit nga pagtik-op sa registration sa mga Comelec offices sa Oktubre 30, Sabado.

Ang registration sites, mobukas gikan sa Lunes hangtod sa Biyernes, alas 8:00 sa buntag hangtod sa alas 7:00 sa gabii.

Apan sa Sabado, kutob lang kini sa alas 5:00 sa hapon.

Gawas sa Comelec offices, gipahibawo sa buhatan nga bukas ang registration sites sa dagkong malls sa Sugbo

paghatag og dako nga lugar aron masunod ang lagda sa physical distancing.

Subay sa uwahing datos sa buhatan sa Oktubre 11 hangtod sa Oktubre 15, adunay moabot sa 11,952 ka mga bag-ong mga niparehistro sa Probinsya sa Sugbo.

Panawagan sa Comelec nga magparehistro na ug dili na paabuton ang Oktubre 30 aron malikayan ang pagdasok sa mga tawo sa registration sites paglikay usab sa pagtakod o pagkatap sa Covid-19. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph