SECTIONS
Superbalita Cebu
Saturday, December 04, 2021
SUPERBALITA CEBU

Kaso sa Covid-19 sa dakbayan sa Sugbo padayong mikunhod

Nitala na lang og 39 ka mga bag-ong kaso sa Covid-19 ang siyudad sa Sugbo niadtong Sabado, Oktubre 16, 2021; ang siyudad aduna nalay 409 ka mga aktibong kaso sa Covid-19.

Base sa datus gikan ni Councilor Joel Garganera, deputy chief implementer of Cebu City Emergency Operations Center, nga gikan sa 778 ka samples nga gi-test niadtong Sabado, anaa lamang sa 5.01 porsyento niini ang nagpositibo sa Covid-19.

Kini misaka lang gamay sa five percent nga threshold sa World Health Organization (WHO) alang sa daily positivity rate.

Tunga-tunga ning Oktubre, ang siyudad nakatala usab og 18 ka Covid-19 patients nga namatay.

Niadtong Septiyembre, ang Siyudad adunay 127 ka Covid-19 deaths.

Gitaho usab ni Garganera nga 15 na lamang ka mga tawo ang nagkwarentina sa Cebu City Quarantine Center ug 145 beds ang wala pa magamit.

Samtang sa tali sa Barangay Isolation Center occupancy rate, 70 ra gikan sa 313 beds ang kasamtangang gigamit ug 45 ra sa 132 ka isolation beds sa hotels ang gigamit usab sa pagkakaron.

Nagkaubos usab ang critical care occupancy rate sa mga tambalanan sa siyudad.

Ang beds utilization rate alang sa Covid ug non-Covid beds sa 15 ka hospitals sa Cebu City anaa lang sa 49.57 percent, diin 1,231 sa 2,441 beds ang wala magamit sumala sa datus niadtong Sabado.

Alang sa Covid beds utilization rate, ang siyudad nakatala lamang og 31.44 percent, kini sulod pa gyod sa 60 percent threshold sa WHO, kay 205 ra man sa 652 ka allocated Covid beds ang kasamtangang naokupar. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!