SECTIONS
Superbalita Cebu
Saturday, December 04, 2021
SUPERBALITA CEBU

2 ka bata na-rescue

Nabalaka ang usa ka inahan nga ania sa dakbayan sa Sugbo bahin sa kahimtang sa iyang duha ka mga menor de edad nga anak, 14 ug 11 anyos, nga nabilin sa kiliran sa ilang amahan sa lalawigan sa Surigao.

Kini human niabot ang taho sa inahan bahin sa ‘sex video’ nga gipasa sa Messenger sa Facebook sa ilang mga kaila nga ang 14-anyos nga babaye dunay kapares nga 16-anyos nga lalake sa romantikong eksena sa video.

Ang inahan nga si ‘Edna’ (dili tinuod nga ngalan)

nangayo og tabang sa Criminal Investigation and Detection Group (CIDG) 7 aron pagkuha sa iyang duha ka mga anak sa pag-atiman sa amahan.

Ang mga ahente sa CIDG 7 nilarga uban sa inahan ug nakig-alayon sa CIDG Regional Field Unit 13 aron paglusad og operasyon sa pagluwas sa duha ka mga bata sa Purok Ilang-ilang, Barangay Magsaysay, lungsod sa Mainit,

lalawigan sa Surigao del Norte niadtong Oktubre 8, 2021,

Si Police Colonel Ireneo Dalogdog, hepe sa CIDG-7, nagkanayon nga nagpatabang aron makuha ang iyang duha ka mga anak nga naa sa kustodiya sa iyang kanhi bana tungod kay napasagdan nalang kini.

Iyang gibutyag nga napasagdan na lang sa iyang kanhi bana ang mga bata tungod kay kanunay nalang kini nga mahubog.

Gumikan niini, ang duha niya ka anak bisan asa na lang kini matulog ug, matod pa niya, posibling napahimuslan ang pagka babaye sa iyang anak.

Adunay hulagway sa Facebook account niini nga nag-inom uban sa iyang uyab nga sama sa wala nay sapot.

Nakadawat siya og impormasyon nga gi-video-han sa uyab sa iyang anak nga nagpangidaron pag-16 ang ilang panaghilawas ug gipasapasa na sa Messenger sa iyang mga higala.

“Gusto ko nang kunin ang bata kasi nakita ko sa Facebook na may katabi na siya sa pagtutulog na walang saplot ba kaya nagpapatulong na ako sa CIDG 7 para makuha ko sila duon,” matod ni Edna.

Ang CIDG 13 pinaagi sa ilang deputy regional chief niini nga si Police Lieutenant Colonel Alan Tolosa nipatawag una sa Department of Social Welfare and Development (DSWD) 13 aron mahinabi ang inahan sa duha ka mga bata.

Sa dihang nakuha na ang pamahayag sa inahan, gilusad dayon ang rescue operation sa CIDG-7 ug CIDG-13 inabagan sa Women and Children Protection Desk sa Mainit Municipal Police Station.

“Joint operation ni sa atong opisina, Sir, ug ang CIDG RFU 13 kay diri man na sa atoa

niduol ang mama, mao to nga atong gitabangan nga makuha ang mga bata,” matod ni Dalogdog.

Wala pa makahukom si Edna kon iya bang ikiha ang iyang kanhi bana nga nagpasagad sa pag-atiman sa ilang mga anak.

Kasamtangan nga naa sa buhatan sa CIDG 7 ang duha ka mga bata ug gitakdang dalhon na kini sa inahan sa Negros Occidental.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!