SUBLING nagpahinumdom karon ang kapulisan sa Davao Region nga dili mapalingla sa money investment scheme nga Repa/Repa Paluwagan.
Kini human daghan na sab ang mga Dabawenyo nga nalingla sa bugos nga investment scheme diin ning bag-o lang nagpanon sa Davao City Anti-Scam Unit ang mga nabiktima.
Sa Official Facebook page sa Police Regional Office (PRO)-Davao, subli nilang gipasayod ang katawhan nga di magpa-ilad sa maong investment scheme.
Gi-post sa PRO-Davao ang gipagula nga advisory sa Securities and Exchange Commission (SEC) nga nagpahibalo nga ang Repa/Repa Paluwagan usa ka “Ponzi scheme.”
Una niini, si PRO-Davao Director Filmore Escobal nagmando sa tanang ginsakpan sa kapulisan sa Davao Region nga monitoron ang ilang matag area of responsibility (AOR) ugaling dunay sekreto o patago nga nag-operate nga pagpanghanyag og money investment scheme luyo sa pasalig nga pipila ka adlaw lamang mabalik ang kapital ug madoble.
Andam ang kapulisan sa rehiyon sa pagpahamtang og silot sa mga indibiduwal o grupo nga mohimo niini nga matang sa pagpangilad.
"The Securities and Exchange Commission (SEC) has issued an advisory against investing in Repa/Repa Paluwagan. This advisory is prompted by reports and inquiries received by the Commission from the public asking whether Repa/Repa Paluwagan with operations in Bohol, Davao, Bukidnon and Cebu is registered with the Commission and if it can solicit investments from the public," sa post sa PRO-Davao Facebook page.
Milihok na sab ang SEC sa ilang mga aksyon labot sa pagsugod sa Repa/Repa Paluwagan: "For the information and guidance of the public, Repa/Repa Paluwagan does not appear as a registered corporation or partnership."
"Further, it is not authorized to solicit investments/placements from the public nor to issue investment contracts and other forms of securities since it has not secured prior registration and/or license from the Commission as prescribed under Sections 8 and 12 of the Securities Regulation Code," sumpay sa post.
Giklaro sa post, "The operations of this entity is a ‘Ponzi scheme,’ which is defined as an investment fraud that involves the payment of purported returns to existing investors from funds contributed by the new investors." (JPC/PRO-Davao)