DALI nga nakapagawas og reaksyon si Talk N’ Text (TNT) Tropang Giga coach Chot Reyes kabahin sa giingon ni Magnolia Ang Pambansang Manok Hotshots coach Chito Victolero nga ang iyang puwersa maoy underdog sa Philippine Basketball Association (PBA) 2021 Philippine Cup finals series.
Ang Tropang Giga maoy nakaangkon sa katungod sa pagpakigbatok sa Hotshots sa best-of-seven championship series human nila gipangdispatsar ang San Miguel Beermen, 97-79, sa deciding Game 7 sa ilang semi-finals series niadtong Dominggo, Oktubre 17, 2021, sa Bacolor, Pampanga.
“There is still another huge mountain to climb that is playing very, very well,” batbat ni Reyes human sa ilang kalampusan batok sa Beermen. “While we are happy to win, we know that there is a huge, huge mountain to climb.”
Human sa makutas nilang semis series batok sa Beermen, ang Tropang Giga aduna ra’y duha ka mga adlaw nga makapangandam alang sa ilang pagpakigsangka sa Hotshots.
“I don’t think at this point, anyone of you are going to believe everything that the coaches will say. You take it with a grain of salt,” dugang ni Reyes kabahin sa pamahayag ni Victolero.
“There is a reason they are in the finals. Any finals, any competition, that’s why we love sports, you will never know.”
Kon si Reyes ang pangutan-on, wala’y nakabintaha ning sangkaa.
“The fact that we are playing, we always have a 50-50 chance. That’s the same in the finals,” pasabot ni Reyes.
“Victolero has done an excellent job with his team. Right now, we just have to focus on what we need to do as a team.”
Ang Hotshots mas taas og pahuway gumikan kay mas sayo nilang napalagpot ang Meralco Bolts, 4-2, sa kaugalingon nilang semi-final series.
Sa laing bahin, nakadesisyon ang PBA nga dili na lang ipadayon ang ilang plano nga ibalik sa Manila ang kombati sa championship series.
"Tapusin na lang natin doon (Pampanga)," matod pa ni commissioner Willie Marcial.
Gipasabot ni Marcial nga apiki na sab ang panahon kon ibalik ang finals sa Manila.
Adunay mga magduduwa ang gusto nga ibalik sa Manila ang kombati sa finals apan aduna sab mga nagtuong mas mas maayo nga tiwason na lang kini sa Pampanga. (ESL)