Driver nga nakaligis sa bridge ikiha sa pamilya

MOPASAKA og kaso ang pamilya sa 52 anyos nga lalake batok sa drayber sa 10-wheeler truck nga nakaligis kaniya niadtong Oktubre 16, 2021 sa Marcelo Fernan Bridge, Barangay Umapad, Mandaue City.

Kasamtangang, gidetiner ang suspek nga si Aldwin Hermosilla, taga Carcar City, Cebu sa Opao Police Station.

Giila ang biktima nga si Rudy Amistad, taga Barangay Pajac, Lapu-Lapu City.

Sa usa ka pakighinabi, si Police Lieutenant Col. Franco Rudolf Oriol, pangu sa Traffic Group sa Mandaue City Police Station, ningon nga mipadangat ang pamilya sa ilang buhatan Lunes, Oktubre 18, nga mopasaka og kaso batok kang Hermosilla.

Matod ni Oriol nga dili makadawat ang pamilya ni Amistad sa panghitabo.

Gani lumargahay na kini sa gawas sa nasod kuyog sa iyang asawa tungod kay kuhaon kini sa iyang anak nga nars sa Amerika.

Sigon ni Oriol nga aduna silay nadunggan nga makigtagbo ang kompaniya nga gitrabahoan ni Hermosilla ug pamilya ni Amistad aron hisgotan ang maong panghitabo.

Bisan pa, sigon ni Oriol nga ipadayon sa ilang buhatan ang pagpasaka og kaso batok kang Hermosilla, gani gilaraw nila nga mahuman ang tanang dokumento ug mapasaka kini sa Mandaue Cityt Prosecutor’s Office sa Oktubre 18 sa hapon.

Gipasabot sab ni Oriol nga adunay gitawag nga blind spot labi na sa mga dagkong sakyanan, apan sa nahitabo niadtong Sabado, makita sa CCTV nga nag-una si Amistad kang Hermosilla. (KFD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph