ANG Bisrock band nga ‘Haganas’ mipagawas sa ilang bag-ong single nga naghisgot sa mga nangagi sa wala pa mohamok ang pandemiya.
Matod pa ni Joel Agustin, lead guitarist/songwriter sa maong banda nga nagpabilin ang ilang passion sa musika ug wa sila mawad-i og paglaom sa paghimo og mga bag-ong awit bisan pa man sa mga kalisdanan nga na-agian gumikan sa nagpadayon nga Covid 19 pandemic.
Sayo ning tuiga, gi-release sa Haganas ang ilang awit nga ‘Kailan Magbabalik Sa Dati’ diin misubmit sila og demo sa MCA Music Inc. (Universal Music Philippines).
Garbo alang sa Haganas sa dihang gidawat sa MCA ang maong awit tungod kay mihaom kini niining panahon sa pandemic nga relatable ngadto sa kadaghanan ang unod sa kanta.
“Tungkol po sa pangungulila nating lahat sa dating buhay bago po ang pandemic.
“Nagtatanong ang karamihan kung kailan babalik sa dating normal na buhay,” pasabot ni Agustin.
Ang Haganas band gilangkuban nila ni: Agustin, Kim Dolrich Benusa – lead vocalist, Jazz Repulda – rhythm guitarist, Trix Rubenecia – bass guitarist ug Robin Renomeron – drummer / back-up vocalist. (FVQ )