Dear Noy Kulas,
Tawaga lang ko og Rod. 29 years old na ko ug duna nay anak. Kining akong problema parte ni sa besfriend sa akong asawa.
Suod kaayo ni siya namo kay since high school, buddy na sila ni Misis. Bisan sa college, the same school ni sila nag study but lahi ang ilang courses. Nang graduate ug nag work na lang sila, magkita gihapon sila. Sa kasal gani namo, siya ang usa sa mga bridesmaid.
But wa ko mag expect nga dunay mahitabo nga lisod kaayo i-imagine. Dunay party nga akong gitambungan kay gi-invite ko sa akong barkada. Karon nagkita mi sa bestriend sa akong asawa nga taguon lang nato sa ngan nga Shawie. Unya atol sa party, nahubog si Shawie. So, ni-offfer ko niya nga pasakyon kay akong ihatod sa ilaha. Nalipay kaayo siya kay di na siya mag taxi kay kuyawan siya.
Karon while nagbiyahe na mi, nihangyo siya sa paghunong kay mangihi siya kay nakaagi mi og lugar na mingaw. Pagbalik niya sa sakyanan, na shock ko kay kay gidiretso ko niya og kiss. Hangtod nga nag romance mi og maayo. Nangita mi og lugar nga suok ug didto mi nagtagay sa himaya. Ambot lang, Noy, mga two hours mi nga kombate og maayo nga di na ko kahinumdom kon kapila nga round.
Paghuman namo, wa mi tingganay but pag abot sa ila, ni kiss mig maayo. Mao to ang last time nga nagkita mi kay wa na siya magparamdam sa akong asawa.
Unya na shock na lang ko nga nanawag siya nako aron pag inform nga mabdos siya ug ako ang amahan. Makatuo ko, Noy, kay bisan gwapa siya, way uyab kay pilian kaayo og lalake. Nisulti siya nga di mag worry kay di siya mosamok namo ug di siya mosulti nga ako ang papa. But di na siya motunob sa amoa ever kuno. Unsa kaha ang akong buhaton? Mo support ko sa bata? Di kaha magubot?
ROD
Rod,
Pabugnawa una ang hitabo. Pasagdai una siya sa iyang desisyon karon. Respetuhi una siya sa iyang desisyon but I-assure siya nga naa ka lang kanunay kon manginahanglan siya og support kay imoha baya nang anak.
Sultihi siya nga di ka magsamok but ready ka nga mo support. Unyag ready na siya makig-estorya nimo, planuha ninyo ang umaabot alang sa bata.
NOY KULAS
kulassuper@sunstar.com.ph