TAGUM CITY -- Patay ang usa ka 31-anyos human gipusil sa wa pa mailhing mamumuno samtang nagdula og Mobile Legends (ML) alas 7:30 sa gabii niadtong Martes didto sa ilang panimalay sa Purok 1, Barangay La Filipina.
Ang biktima giila sa kapulisan sa Tagum nga si Geon Rhee Duron Barriga, 31-anyos, minyo, electrician sa DOM J Marketing ug residente sa Purok 1, Barangay La Filipina.
Nasayran nga nagdula lamang og ML ang biktima sa may kubo gawas sa ilang balay dihang milanog ang usa ka buto ug nahagba ang biktima.
Gidali pa og tabang sa mga rescuers ang biktima apan nabugtoan kini sa kinabuhi.
Dunay igo sa ulo ang biktima nga maoy hinungdan sa iyang kamatayon samtang nagpadayon ang gihimong imbestigasyon sa hitabo aron masuta ang motibo ug ang responsable sa krimen. (Jeepy P. Compio)