MATI CITY, Davao Oriental -- Upat ka mga food stalls sa Dahican beach ang na-isyuhan og citation tickets sa Mati Police human sila giingong nakasupak sa minimum public health standards.
Gisubay sa awtoridad ang mga beach resorts sa Barangay Dahican diin naatlan nga dunay gihimong grand opening Sabado sa gabii, Oktubre 16, sa pipila ka mga resort gikan sa mga adlaw nga ilang pagsira tungod sa Covid-19.
Sa usa ka video nga gipagula sa Mati City Information Office, nakita ang halos magdikit na nga mga tawo ug wala na naka-face mask atol sa grand opening sa Shrimparty food stall nga gipanag-iyahan ni Johan Calderon.
Nasayran nga ang maong kaugdahan walay permit gikan sa Mati Incident Management Team ug ang nasampit sab nga establisemento walay business permit gikan sa City Government.
Gilayong gibisitahan sa Mati City Police ang establisemento Dominggo sa buntag, Oktubre 17, ug giisyuhan og citation ticket ang Shrimparty food stall alang sa ilang violations.
Laing tulo sab ka mga food stalls ang nahatagan og citation ticket sa kalapasan sa City Ordinance 427 kun ang Disiplina Panahon sa Pandemya Ordinance ug kini ang mga stalls nga Tiendahan Food Court, Frynally, ug Josh Snack haus. (JPC/CIO Mati)