SA panahom sa inilang boxing analyst sa Pilipinas nga si Ed Tolentino, makatilaw og grabeng kastigo si Englishman Paul Butler sa pagsuway og ilog niini sa korona ni World Boxing Organization (WBO) bantamweight champion Johnriel Casimero sa hinapos nga bahin sa 2021.
Ang away giplanuhang ipahigayon karong Disyembre 11, 2021 sa wala pa natino nga venue.
Gipasabot ni Tolentino nga adunay saktong abilidad si Butler apan sa iyang tan-aw, mahimo ra gihapon kining lawog sa estilo ni Casimero.
“John Riel Casimero is the heavy favorite in this fight. Make no mistake, Butler is a good former world champion, but when you watch his style, it is made for Casimero,” pasabot ni Tolentino nga napatik sa www.philboxing.com.
Matod ni Tolentino nga kugihan manukmag si Butler apan wala kini kusog nga maoy ampay kulatahon ni Casimero.(ESL)