SUPERBALITA CEBU

PBA finals sugdan

SUGDAN sa Talk N’ Text (TNT) Tropang Giga ug Magnolia Ang Pambansang Manok Hotshots karong alas 6:00 sa gabii ang ilang championship best-of-seven series sa Philippine Basketball Association (PBA) 2021 Philippine Cup sa Don Honorio Ventura State University Gym sa Bacolor, Pampanga.

Ang Hotshots naabot dayon ning puntoha sa labing una nilang kompetisyon gikan sa pag-abot ni Calvin “The Beast” Abueva sa ilang tugkaran samtang ang Tropang Giga nakabalik sa finals sa pagbalik ni multi-titled coach Chot Reyes sa ilang balwarte.

Ang duha ka mga kampo pulos adunay saktong hinagiban, pulos hugot og depensa pulos mokayod isip usa ka puwersa.

Timailhan lang kini nga kulbahinam ang engkuwentro sa inilugay sa korona nga nabuhian sa Brgy. Ginebra Gin Kings hilabi na kay parehong taodtaod nang wala nakatilaw og korona ang duha ka mga puwersa.

“Mabigat na laban, but whether it’s a short or long series, we’ll be ready for it,” asoy ni Magnolia coach Chito Victolero nga napatik sa www.pba.ph.

Si Reyes mapasalamaton nga naagak niya ang Tropang Giga sa finals sa iyang pagbalik.

“I came into this with just one thought for the team - to get better,” pasabot ni Reyes.

“I spoke to the players about this and they bought into it. I told the vets you don’t have anything to prove, just improve.”

Sa duha ka mga higayon nga nagkrus ang dalan sa duha ka mga kampo kaniadto, ang Hotshots adunay rekord nga 2-0 apan lahi na ang sitwasyon ning higayuna.

Alang kang Victolero, sila maoy underdog ning maong series apan alang kang Reyes, 50-50 ang sitwasyon.

“There’s a reason they’re in the finals,” dugang ni Reyes.

Sa ilang panagsangka sa elimination round, munasginhawang gibuntog sa Tropang Giga ang Hotshots, 83-76, sa low-scoring nga kombati.

Dili kini kahibulngan gumikan kay ang duha ka mga kampo maoy top two defensive teams sa komperensya. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!