SECTIONS
Superbalita Cebu
Wednesday, December 01, 2021
SUPERBALITA CEBU

Nalzaro: Kalambuan sa taga Carbon

311226

Saksi

MOKABAT sa usa ka gatus ka legitimate vendors ang mipahigayon og rally sa miaging semana agig pagsuporta sa modernization sa Carbon Market.

Miingon ako nga legitimate gumikan kay aduna may laing grupo nga nagpahigayon usab og protesta sa miaging buwan nga nipadayag og pagsupak sa maong proyekto.

Ang maong grupo sa mga nagprotesta wala manag-iya og stalls og manginabuhi sa Carbon Market. Kadaghanan kanila mga sakop sa mga walhong grupo nga mipadayag kuno sa ilang simpatiya sa mga manindahay nga maapektuhan sa modernization. So, dili sila legitimate vendors.

Ang mga sakop sa Landing Vendors Organization (Lavo) nga gipanguluhan ni Zosimi Potot, mihunong una og pipila ka mga oras sa ilang pagpaninda aron lang mopahigayon sa ilang rally isip pagsuporta sa pagpalambo sa Carbon ngadto sa world class market aron molambo usab ang ilang kahimtang. Ang ilang gihimo mao ang pag-alkontra ug pagpanghimakak usab sa akusasyon sa laing grupo nga ang ilang grupo dakong supak sa modernization program.

Pipila lang sa ilang sakop ang misupak sa plano kay nahulhugan sa mga walhong grupo nga unang nagpahigayon og protesta.

Apan ang kadaghanan sa ilang sakop dakong uyon sa modernization program kay makahatag kini sa ilang seguridad sa panginabuhi sa Carbon.

Mahatagan usab sila og desenteng luna diin i-display ang ilang mga baligya.

Ang ang uban kanila naapil naman sa listahan nga mahatagan og stalls. Ila usab nga gipanghimakak nga sila gi-demolish. Dili demolition kon dili renovation ang gihimo sa Megawide Corp. nga maoy mougmad sa maong lugar.

Giguba tuod ang karaan nilang mga stalls apan gipulihan og bag-o. Wa na sila mamaligya sa mga lapukon ug hugaw nga lugar kay desente naman ang ilang nahimutangan.

Wala man siguroy angay kabalak-an ang mga kasamtangang nag-okupar sa Carbon Market gumikan kay ang tanang ‘concerns’ sa manindahay ug negosyante natubag sa Joint Venture Agreement (JVA) tali sa kagamhanan sa siyudad ug Megawide.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!