SA pagsaka sa presyo sa gasolina karong panahona, nanawagan ang Pinagkaisang Samahan ng mga Tsuper at Operators Nationwide (Piston) Cebu nga wagtangon una sa gobyerno ang buhis sa matag litro sa gasolina aron dili na motaas ang presyo niini.

Kini ang komento ni Greg Perez, pangu sa Piston Cebu, sa laing pagsaka sa presyo sa produktong petrolyo.

Sigon niya nga dako kini og epekto ngadto sa mga driver sa pampublikong sakyanan ug makadugang sa kalisod sa ilang kahimtang tungod kay maminusan nasab ang ilang madala ngadto sa ilang pamilya kay mapunta ang uban niini sa patong sa gasolina.

Gawas niini, apektado na sila daan sa pandemiya tungod sa 50 porsyento lang ang gitugotan nga mosakay sa ilang gimanehong PUJ o taxi. (KFD)