SUPERBALITA CEBU

Inay molarga sa Amerika, selda mitugpa

INAY manimpalad sa Amerika sa prisohan natugpa ang 22 anyos nga babaye gamit ang giingong peke nga mga dokumento.

Gisikop atol sa entrapment operation sa National Bureau of Investigation (NBI-7) si Raven Gay Sinangote Dablo kinsa gipasanginlan nga nigamit og mga detalye sa laing tawo pagkuha og mga dokumento sa government agencies aron makakuha og passport paingon sa gawas sa nasud.

Gigamit ni Dablo ang ngalan ug personal nga detalye sa usa ka Sheny Mae Liza Tenebroso nga anak sa usa ka empleyado nga greencard holder sa US.

Lakip sa mga gipeke ni Dablo ang gilukat nga NBI clearance, drivers license gikan sa LTO ug ang mga detalye sa iyang passport nga pulos personal nga impormasyon ni Tenebroso.

Gipasabot ni Atty. Renan Oliva, regional director sa NBI-7 nga adunay gitawag nga derivative beneficiary ang tanan nga greencard holder.

Aduna kini’y immigration benefits alang sa sakop sa pamilya sama sa asawa ug anak nga wala pa maminyo.

Ang amahan ni Tenebroso nga anaa sa US ug ang pamilya ni Dablo maoy caretaker sa balay sa mga Tenebroso.

Hinungdan nga giingong gisuwayan ni Raven pagkombinsir si Sheny nga gamiton ang iyang personal nga impormasyon ug magpakaaron ingnon nga anak, aron mas dali nga makalarga gawas sa nasud ug didto na motrabaho. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!