PIPILA ka mga residente sa Barangay Tayud, Lungsod sa Consolacion, Sugbo namirma og manifesto nga nagsupak sa pag-reclaim sa 235 ka ektarya nga hunasan sa maong dapit.
Adunay kapin sa 100 ka mga lumolupyo ang namirma sa manifesto nga naghangyo ngadto ni Presidente Rodrigo Duterte nga kapugngan ang Seafront City project tungod kay maka-apekto kini sa ilang panginabuhian lakip na ang ilang pinuy-anan.
Sagad sa namirma nga residente mga habal-habal ug traysikol drayber, nanag-iya og karenderya ug paabangan diin ang nakapahimulos mao ang mga trabahante sa unom ka shipyards nga nag-operate sa Tayud.
Samtang lakip sab sa nipirma mao ang mga mananagat nga maapektuhan ang panginabuhian sa higayon nga i-reclaim ang dapit.
“Despite the development that is now being enjoyed by our locality, many of us continue to fish or earn from the bounty of sea, something that we inherited from our forefathers..
“Mr. President, we are knocking at your kind heart and are appealing that you listen to our pleas,” tipik sa petition nga ilang ipadangat ngadto kang Duterte.
Sa sayo pa, adunay 2,000 ka mga trabahante sa unom ka mga apektado nga shipyard ang unang miduso sa ilang petisyon ngadto sa Malacañang nga nagsupak sa reclamation project kay matod pa wa sila konsultaha sa lokal nga kagamhanan sa maong proposal.(FVQ gikan sa PR)