DAKO ang kalipay sa 90 ka mga traysikel drayber sa lungsod sa Sta. Maria, Davao Occidental human sila naka-payout sa Tulong Panghanapbuhay sa Ating Disadvantaged/Displaced Workers (Tupad) program sa Department of Labor and Employment (DOLE) Davao Region.
Gihimo ang payout sa Tupad didto sa Sta. Maria gym Miyerkules sa udto, Oktubre 20, 2021.
Ang programa gipangunahan mismo sa DOLE, sa Dumper Party-list nga gipangunahan ni Representative Claudine Bautista-Lim ug ang lokal nga kagamhanan sa Davao Occidental nga gipangunahan ni Sta. Maria Mayor Josephine "Joyce" Mariscal.
Nubenta ka mga benepisyaryo sa unang batch and nakadawat og cash assistance gikan sa DOLE nga nagkantidad og tag P3,960.
Ang Tupad program usa ka programa sa DOLE isip emergency assistance alang sa pagtabang sa mga naapektuhan diha sa ilang mga panginabuhi sa mga kalamidad ug luyo niining pandemya. (Jeepy P. Compio)