MOABOT sa P18.3 bilyunes nga budget ang giandam sa kagamhanan sa Probinsya sa Sugbo alang sa tuig 2022.
Mas taas kini og sobra P3 bilyones kon itandi sa P15 bilyunes sa 2021 budget.
Nalakip sa labing dako og bulto sa maong pundo motutok sa imprastraktura, panglawas ug Covid-19 response.
Lakip sa gigahinan sa kagamhanan alang sa imprastraktura ang road concreting sa provincial ug barangay roads sa mga kalungsoran sa Lalawigan sa Sugbo ug pag-upgrade sa provincial ug district hospitals.
“For the development fund 8.5 naay sa hospitals, naay sa infrastructures, naay sa water system, sa Covid recovery,” matod ni Gobernador Gwendolyn Garcia niadtong Martes, Oktubre 19.
“That’s the Province of Cebu, the richest province in the entire country and number one in terms of tourism, in terms of economic recovery in terms of job generation, in terms of livelihood. So why settle for better Cebu, when Cebu is already the best?” matod ni Garcia.
Samtang, gipahibalo ni Bokal Glenn Anthony Soco sa sixto distrito nga ang proposal giduso na sa Hunta Probinsya nga ipaubos sa deliberation.
“Deliberations will happen after passing it for first reading. We (Committee on Budget and Appropriations) intend to pass the resolution for first reading on our next regular session,” matod ni Soco sa pakighinabi sa mga sakop sa media sa Kapitolyo. (ANV)