GIHULAGWAY ni Aida Patana ang iyang pagkaayo sa Covid-19 nga maoy iyang ikaduhang kinabuhi na karon. Kini human sa halos usa ka buwan niyang pakigbatok sa maong makamatay nga balatian.
Na-admit siya niadtong Agusto 25 hangtod September 19 ug matod niya nga milagro kaayo nga nabuhi pa siya.
“Actually, gibalibaran na ko sa mga hospital kay puno na. I asked some help from someone para lang ko ma-admit. I’m so thankful sa tanang nitabang nako kay di jud lalim akong experience sa Covid. I thought I won’t be able to survive. But I made it because of my strong faith in God,” butyag sa CEO sa M-Talent Events and Promotions sa Superbalita Laysho.
“Sige ra kog ampo kay naglisud na kog ginhawa. When my doctor told mi nga i-intubate ko nila diha nako nakahilak og maayo. Sige kog sangpit ni Lord nga milagrohan unta ko niya. Tanang mga kalag ako nang gipangtawag apil na sa akong mama ug papa. And praise God kay gidungog nila ang akong mga pangamuyo. Kalit lang nitaas akong oxygen level mao nga wa na ko gidayon og intubate. Kay sa akong hunahuna if ila kong i-intubate patay na jud ko ani.”
Ang intubate mao ang pagsuksok og tubo sa tutunlan nga ipaagi sa baba o ilong aron makaginhawa ang pasyente.
Ang intubation napamatud-an sa mga pagtuon nga 70% makaluwas sa mga pasyente nga kritikal sa Covid. Apan ang potential side effects niini naglakip sa pagkasamad sa vocal cord ug bleeding.
Niangkon si Patana nga kumpiyansa ra kaayo siya tungod kay bisan pandemic ang iyang nawong tua ra kanunay sa gawas.
“Because I’m the sole bread winner of my five kids. You know, I’m a single mom. Duna na sad koy mga apo so kinahanglan gyud mokayod,” paambit sa 48-anyos nga kanhi beauty queen.
“Wa ko kahibawo asa nako nakuha ang virus kay kalit man kaayo. Naluya ko kay giibtan man ko’g ngipon. Nawa akong taste then nisuka ko. Taas sad akong hilanat mao ila kong gi-swab test. Mao to positive. Maybe nihinay akong immune system mao nakasud si Covid through airborne.”
Tungod usab sa kanihit sa supply sa Tocilizumab niadtong higayona didto sila nipalit sa online nga mahal kaayo ang baligya.
Apan milyon man ang iyang nagasto ang importante, matod niya, nga naluwas siya ug kumpleto pang nakabalik sa iyang pamilya.
Sa makausa pa iyang gipakita kon unsa siya kalig-on nga pagkainahan nga dili basta mo-surrender bisan pa man kon naa na siya sa ngilit sa bung-aw sa kamatayon. Laban lang!
Aida Patana, Ssssuper Ka!
Unsay imong realization after that experience?
I realized nga daghan diay ang nagmahal nako especially sa akong family, friends and supporters ug sa mga prayer warrior nga nag-prayer brigade.
Pila ka adlaw nimo gidaladala ang sakit before nahibaw-an nga positive ka?
Three days. Kay abi nako overwork lang. Pagkahibawo namo nanawag dayon mi sa hospital. Pero wala may bakante ug wala say available ambulance. Mao nga nagpatabang mi sa akong kaila.
Kinsay nagbantay nimo sa ospital?
Si May. Bilib ko sa akong anak kay ingon ko niya, “ayaw nalang ko bantayi kay basin matakdan ka.” But I was so touched kay ingon siya, “ma, di tika biyaan bahala matakdan ko.” We are so blessed kay wa gyud siya matakdan kay vaccinated na sad siya.
Pila ka oxygen imong nahurot?
Di nako kaihap. Basta daghan kay gi-double man akong oxygen. Ingon ang doctor hugaw daw akong lungs tungod sa giagian sa Covid. Hapit nako mo-surrender kay di na jud kaya. Apan tungod sa akong mga anak ug mga apo naningkamot gyud kong mabuhi.
Unsay plano nimo sa imong second life?
Magpabakuna na ko kay sa akong ka-busy wa gyud ko kalugar. Dili nako mag-overwork. Although I will still continue my advocacy. Actually, I just filed my COC as the representative of 1-AT Pinoy Party-list. Our objective is to help people through sustainable livelihood program alang sa saktong suweldo ug benefits sa mga trabahador. This is the first time that I’m running and I think this is the reason nganong gihatagan pa ko sa Ginoo og lain pang kinabuhi aron daghan pa gyud kong matabangan.