SUPERBALITA CEBU

Lapu-Lapu, Mandaue miluag sa lagda sa kwarentina, liquor ban gilibkas

GILIBKAS na sa mga Mayor sa dakbayan sa Mandaue ug sa Lapu-Lapu ang liquor ban adlawng Oktubre 21, 2021 human gipaubos na sa Alert Level 2 diin mas luag nga etado sa general community quarantine (GCQ).

Kini human nagpagawas og managlahing executive order (EO) si Mandaue City Mayor Jonas Cortes ug si Lapu-Lapu City Mayor Junard 'Ahong' Chan aron pagpatumna sab sa Alert Level 2 nga girekomenda sa Inter-Agency Task Force (IATF).

Sa paglibkas sa liquor ban, gisaysay sa EO nga kinahanglan nga ang mubaligya og ilimnong makahubog mokuha og special permit sa local nga kagamhanan.

Bisan pa man, niini gibawal gihapon sa duha ka dakbayan ang pag-inom kilid sa dalan, sidewalk o bisan unsang mga pampublikong lugar.

Sa bag-ong estado sa duha ka dakbayan gihatagan niini ug dakong pribilihiyo ang mga nakapabakuna.

Sa Mandaue, sigon si Atty. August Lizer Malate, ang pangu sa Emergency Operations Center sa Mandaue, nga kung ang usa ka fully vaccinated nga indibidwal nga buot mobiyahe paingon sa Mandaue dili na kinahanglan nga mopakita og negative swab test result.

Ug kadtong mga partially vaccinated ug ang mga unvaccinated nga molarga sa dakbayan sa Mandaue kinahanglan pa gihapon nga magpakita sa ilang negative swab test result nga nakuha sa wala pa ang 72 ka oras.

Apan sa dakbayan sa Lapu-Lapu, giwagtang na nila ang paghatag og negative RT-PCR swab test result isip usa sa mga rekisitos sa mga indibidwal nga buot mularga paingon sa dakbayan sa Lapu-Lapu.

Gipasabot sab sa maong EO nga ang mag establishemento mamahimong makapasulod og 50 porsiyento sa kapasidad alang sa mga fully vaccinated ug kadtong mga ubos sa 18 years old bisan paman nga dili bakunado ug alang sa ilang al fresco o outdoor 70 porsyento ang gitugot nga kapasidad niini ug abli kini sa tanan bakunado man o dili.

Ang maong mandato ipatuman sulod sa lugar alang sa meetings, incentives, conferences ug exhibitions (Mice); venues sa social event, sama sa wedding, engagement ug birthday parties, tourist attractions, recreational venue ug uban pa.

Dili gihapon ang casinos, horse racing, cockpits, lottery ug betting shops.(KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!