ANAA sa 21 bag-ong kaso sa Covid-19 ug wala'y patay ang natala sa Dakbayan sa Cagayan de Oro Miyerkules, Oktubre 20, 2021.
Matud sa City Health Office, sa 21 ka bag-ong kaso, siyam ang local index nga kaso; walo ang local case with link; tulo ang authorized persons outside residence (Apors); ug usa ang Apor with link.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 20,003.
Adunay 815 aktibo nga kaso ang dakbayan. 247 niini na-admit sa Northern Mindanao Medical Center ug uban pang mga ospital sa syudad, 565 ang outpatient, ug tulo ang mga ROFs/LSIs.
Nakatala usab og 158 ka mga pasyente nga nakarekober sa sakit. Anaa na karon sa 18,352 ang ihap sa mga nakarekober sa dakbayan.
Ang ihap sa mga namatay sa Covid-19 sa syudad anaa sa 836.