PATAY ang usa ka 53-anyos nga lalaki human mabanggaan sa usa ka Toyota pickup alas 5:40 sa hapon, Oktubre 20, 2021 sa Davao Cotabato National Highway, Barangay Sinaragan, Matanao, Davao del Sur.
Giila ang biktima nga mao si Roberto Mondejar Barquio, 53, minyo ug residente sa Barangay Sinaragan, Matanao, Davao del Sur.
Sa inisyal nga imbestigasyon sa kapulisan, nasuta nga ang biktima namatikdan nga kalit mitabok sa kalsada ug naglisod na sa pag-brake ang drayber sa Toyota pickup nga naila nga si Rommel Orquestra, 49, minyo ug residente sa PAL Village, Davao City.
Dead on the spot ang biktima human kini makaangkon og patal nga samad sa iyang ulo.
Ang drayber uban sa iyahang gimaneho nga sakyanan nakakostodiya sa Matanao Municipal Police Station apan mipasalig nga motabang sa galastuhon ug panginahanglanon sa pamilya sa namatay'ng biktima. (JPC/Matanao MPS)