AFP mohimo og joint exercises sa Visayas

14 KA ADLAW: Si AFP Chief of Staff General Jose Faustino Jr. (tunga) maoy nangu alang sa pagbukas sa military exercise nga molanat og 14 ka adlaw sa mga dapit nga ubos sa Visayas Command. / ARNOLD Y. BUSTAMANTE
14 KA ADLAW: Si AFP Chief of Staff General Jose Faustino Jr. (tunga) maoy nangu alang sa pagbukas sa military exercise nga molanat og 14 ka adlaw sa mga dapit nga ubos sa Visayas Command. / ARNOLD Y. BUSTAMANTE

ARMADONG Kusog sa Nasud pormal nga mibukas sa ilang 14 ka adlaw nga joint exercise nga gipangulohan mismo ni AFP Chief of Staff General Jose Faustino Jr. aron masusi unsa ka andam ang mga sundawo sa paghatag og proteksyon sa nasud pinaagi sa bag-ong mga kahimanan sa kasundalohan.

Gibuksan kagahapon sa Oktubre 21, 2021 sa Visayas Command ang 14 ka adlaw nga AFP joint exercise nga gitawag nilag “Ajex Dagit Pa” kun Dagat, Langit, Lupa.

Matod ni Faustino nga lahi kini sa mga miltary joint exercises kaniadto nga salmotan sa mga kaalyado nga nasud sama sa Canada, Australia ug America sanglit pulos Pilipino nga sakop sa Philippine Army, Air Force, Navy ug Marines.

Kini na ang labing dako nga pagbansay-bansay nga gihimo sa armadong kusog diin dinhi masayran kon andam na ba ang mga sundalo sa pag gamit sa ilang mga bag-ong kahimanan.

Kapin sa usa ka libo ka sundalo ug mga reservist ang mosalmot sa pagbansay-bansay nga magtutok sa territorial defense, internal security operation, humanitarian assistance ug pagtubag sa kalamidad ug ang labing importante ang cyber defense exercise.

Giangkon ni Faustino nga ang AFP nagsugod pa lang sa pagpalig-on sa cyber defense nga angay palambuon tungod kay nagka anam ka advance ang teknolohiya ug unsaon nga dili kini ma hack sa laing nasud.

“Ang ating cyber ngayon ay nasa ano kami nasa initial stages ng pagpapalakas ng ating cyber defense. This is one of the exercises na talagang gusto nating palakasin because it is now the bagong threat, yung there is always the tendency na we will be attacked sa cyber...and that’s what we’re trying to prepare,” matod ni Faustino.

Giorganisar na sa AFP ang cyber groups. Gani aduna silay cyber unit nga maoy gitahasan nga mopalig-on pa niini.

Tanan nilang bag-ong assets ilang gamiton sa maong pagbansay-bansay sama sa armoured vehicles sa Philippine Army, K9 teams ug ang ilang explosive ordinance division teams.

Sa Philippine Navy, ila usab nga ipasigarbo ang ilang mga bag-ong kagamitan sama sa frigates, patrol ships, landing dock, naval helicopters ug fixed wing.

Ang Philippine Air Force aduna usay FA50, SF260, Hermes900 unmaned aerial vehicle (UAV) ug Blackhawk helicopters.

Samtang sa Philippine Marines ilang ipagawas ang ilang amphibious assault vehicles ug bag-ong M35 ug KM450 trucks nga gi palit sa administrasyon ni Presidente Rodrigo Duterte. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph