P1.4M shabu gikan sa tig-barbecue

    BINULTONG DRUGA: Si Kenner John Pinpin Tejedar (taas), 18, barbecue vendor, nasikop sa buy-bust sa kapulisan sa Sitio Puntod, Barangay Alaska Mambaling, dakbayan sa Sugbo kagahapon, Oktubre 21, alas 3:40 sa hapon. /Gikan sa CIU-CCPO
BINULTONG DRUGA: Si Kenner John Pinpin Tejedar (taas), 18, barbecue vendor, nasikop sa buy-bust sa kapulisan sa Sitio Puntod, Barangay Alaska Mambaling, dakbayan sa Sugbo kagahapon, Oktubre 21, alas 3:40 sa hapon. /Gikan sa CIU-CCPO

USA ka barbecue vendor napusasan kay nakuhaan og P1.4 milyones nga gidiling drugas sa buy-bust sa kapulisan sa Sitio Puntod, Barangay Alaska Mambaling, Dakbayan sa Sugbo sa Huwebes, Oktubre 21, alas 3:40 sa hapon.

Ang nasikop mao si Kenner John Pinpin Tejedar, 18, dunay kapuyo, barbecue vendor sa Carbon Market, ug taga Sitio Wangyu, Alaska Mambaling, Dakbayan sa Sugbo.

Si Tejedar nasikop nila ni Police Lt. Col Randy Caballes, hepe sa City Intelligence Units sa Cebu City Police Office (CIU-CCPO).

Matod ni Caballes, si Tejedar dunay 5-ka-bulang anak.

Nagtakuban kining nag-barbecue apan binultong shabu ang mabaligya niini.

Makabaligya kini og 100 nadto sa 150 gramos nga shabu matag semana.

Ang kontak niya naa sa sulod sa Cebu City Jail, sumala sa kapulisan.

Moabot sa duha ka semana ang pagpaniid sa kapulisan sa pagseguro sa kalihokan sa suspek.

Gipaltian kini sa ahente sa awtoridad og 5 gramos nga shabu nga mobalor sa P10 mil gamit ang boodle money.(GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph