Tulo ka mga kaso gisang at sa drayber batok sa police official sa Dakbayan sa Carcar nga nipabilanggo kaniya og usa ka gabii sa miaging semana.
Si John Louie Tampos, drayber sa usa ka construction company, nisangat-at og kaso sa Ombudsman Visayas karong buntag sa Biyernes, Oktubre 22, 2021.
Si Tampos, gi-ubanan ni Atty. Jennifer Jabel, niduso sa 11 ka pahinang reklamo batok kang Lt. Warlito Toñacao, deputy police chief sa Carcar Police Station.
Kasong grave misconduct, oppressive actions, ug conduct unbecoming of a police officer ang giduso ni Tampos.
Si Tampos mangihi unta daplin sa karsafa niadtong Oktubre 14, 2021, alas 8:00 sa buntag ug molugar unta apan si Toñacao nangangkon nga hapit siya madusmo.
Mipasangil ang police official nga gisinggitan siyag "boang" hinungdan nga gidakop si Tampos, gipasakaag kasong disobedience.
Si Tampos mihimakak sa pasangil kay igo lang siyang misingit og "Hoy!" dihang giserbatuhan og maayo sa police official. (Guam Logroño)