KIDAPAWAN CITY -- Nanawagan karon og hinabang ang tag-iya sa balay nga nasunog atol sa iyang birthday human nga mahurot og kasunog ang iyang kabtangan alas 8 sa buntag niadtong Huwebes, Oktubre 21, didto sa Makilala, Cotabato Province.
Ang tag-iya sa balay ug maoy nag-birthday niadtong adlawa mao si Allan Salario.
Sa taho gikan sa Bureau of Fire Protection (BFP-Makilala), nasayran nga sayo pa lang sa buntag, nagdagkot og kandila si Salario sa altar sa iyang balay samtang nag-ampo gumikan kay adlaw nga natawhan niini.
Human niya og ampo, milakaw gilayon siya padulong sa merkado publiko aron nga mamalit sa iyang handaon nianang adlawa aron nga saulogon ang iyang natawhan.
Apan wala madugay, mikalit lang og ulbo ang dakong kalayo sa balay niini human malimtan nga pagngon ang gidagkutan niyang kandila sa altar.
Daling miresponde ang BFP-Makilala apan ugdaw na ang balay ni Salario sa dihang miabot sa lugar gumikan kay gama lang kini sa mga light materials. (Edgar E. Fuerzas)