GISAWAY ni World Boxing Association (WBA) welterweight champion Cuban Yordenis Ugas si WBA president Gilberto Mendoza nga wala’y baruganan.
Kini human gimanduan ni Mendoza si Ugas nga modepensa sa iyang titulo batok kang mandatory challenger Eimantas Stanionis sa Lithuania.
Kini nga away usa sa mga semi-final bouts nga welterweight tournament nga giorganisar sa WBA.
Human gilupig ni Ugas si Filipino boxing legend Manny Pacquiao, nagtuo siya nga ikaharong niya sa usa ka unification bout si American Errol Spence Jr., kinsa maoy tag-iya sa World Boxing Council (WBC) ug International Boxing Federation (IBF) welterweight titles.
Apan gumikan sa kamanduan sa WBA, hayan dili mahinayon ang gustong away ni Ugas batok kang Spence, kinsa alang kaniya, usa sa mga dalan aron makakulit siya'g dakong pangalan.
“When I spoke to you Gilberto Mendoza, WBA President on the phone, you said you wanted the best fights for me,” matod ni Ugas nga napatik sa worldboxingnews.com.
“How he gives me his word, and then this happens? Men only do something like that without honor.” (ESL)