Dear Noy Kulas,
Maayong adlaw, tawga lang kog Rey, taga Cebu City, minyo ug dunay mga anak.
Nangtipon mi sa akong asawa sa pagpuyo sa iyang parents kay dako man ang ilang balay. Ang iyang manghod nga lalake bag-o ra naminyo nitipon pud. Mao ni ang akong problema kay kon mag sex sila sa iyang asawa, langas kaayo ang babaye nga madungog kaayo namo. Bastos kaayo paminawon pero makahasol sa huna-huna kay klaro kaayo ang babaye naa sa himaya.
Akong nahibaw-an nga kaning bayhana part-time GRO kaniadto while nag-eskwela. Kay naa ra siya pirme sa balay kay nag work from home, kami pirme ang magkauban. Dihay ka usa kay iya kong gisangpit aron mamalihug nga magpasabon sa likod. Nituman ra ko sa iyang hangyo. Iya ning gibuhat kadaghan kanang kami rang duha.
Noy, unsa kaha ning iyaha? Di ba ni flirting? Unsa kahay akong buhaton? Tambagi ko.
REY
Rey,
Kanang iyaha klaro kaayo nang panintal kay di ordinaryo nga buhat sa usa ka babaye nga magpasabon sa lawas nga di mo kabanay. Puro ra mo tapak diha sa inyohang gipuy-an. Mag-amping ka ug maglikay kay wa ka kahibawo, basin duna na siyay dautang plano, gipaagi ra og panintal. Basin moingon na siya nga nisulod ka sa banyo aron siya binuangan sa ingon mahawa ka sa balay. Dunay mga tawo nga ingon niana og panghuna-huna.
Kon panintal kay ganahan siya nimo, likayi gihapon kay kon magpaanod ka, di ka ra ba duyanon sa iyang pamilya, posibleng dunay pisikal nga linugdangan. Magubot ug mabuak pa. Busa ayaw patoli.
Aron makalikay ka, balhin mo og puyo. Ayaw mo pangtipon kay sa madugay, makalimot ka unya sa kaugalingon, matintal ka. Duna ra ba gyud nay nindot nga lawas og maayo og nawong kay nakaagi man kaha na pagka GRO. Bisan gani sa iyang background, giminyoan siya sa imong brother in law. Busa, nagtuo ko nga naa siyay ikapasigarbo nga dagway ug lawas. Ayaw mo pagdugay sa pagpuyo diha. Pamalhin mo.
NOY KULAS
kulassuper@sunstar.com.ph