SUPERBALITA CEBU

Binghay: Way makalupig sa atong pag-abi-abi

Ku

DI na maihap akong mga langyaw nga mga higala ug kaila labi na kadtong nakapares og mga Pinoy ang midisisyon pag-uli diri sa ato og retire sa dayon hangtod sa ilang katiguwangon.

Wa nako mahibulong ngano kay di na ikapangutana ang obvious nga rason nga kasagaran maanindot ug positibo gikan sa mga makadaning lugar, presko ug mga baratong pagkaon labi na gayod ang hingamigong kina-iya natong mga pinoy nga way makalupig.

Daghan ang kapilian. Niadtong gustong manimuyo sa mga dagkong siyudad nga duol sa mga malls naay Cebu ug Ilo-Ilo City nga ilang kapilian.

Kapin 7 mil ang mga isla nato nga gipalibutan og tubig maong ma-spoiled ka og pamili para maligo, mangisda, mag scuba diving, sailing, o mag-sunbathing sama sa Palawan, Boracay, Cebu, o Bohol.

Kadto sang mahilig mag-hiking o magpabugnaw sa bukid naa sab tay Bagiou ug Tagaytay City nga makapahayay sab aga gawas sa maanindot nga talan-awon sa palibot.

Gawas ini di malalis nga kitang mga Pinoy nabantog nga hingamigo kayo. Dali ra kaayo makahatag og pahiyom bisag wa pa mag-ila. Bisa pa man sa gipas-ang kalisod, kitag mga Pinoy kontento ra kung unsay naa.

Tagsa ra nimo madungog ang mga reklamo kay posiktibo man ang panghuna-huna. Mas iphon ang grasya nga nadawat kaysa problemang gisagubang.

Ang atong nasod nahimutang sa tunga-tunga maong duol ug sayon ra nga maka bisita sa kasilinganang nasod sama sa Thailand, Vietnam, South Korea, Hongkong, China, Japan og Singapore.

Barato sab ang mga palaliton diri sa ato itandi sa ubang nasod kay maka-bang ra man ka og balay nga 3 na ka kwato sa kantidad nga $350-$400 kda buwan. Gani maka hire pa gayod og mga katabang, driber o hardenero kay ma-afford na man sab ang suweldo.Ang usa ka adlaw nga sweldo sa America, us ana ka buwan nga isweldo sa katabang diri sa ato.

Gani kadtong mga expats nga nagpuyo diri sa ato makagasto lang og $800-$1,200 ang buwan unya komportabli na ang pagbuyo apil na ini kung mangaon panagsa sa gawas og mobiyahe sa lain-laing lugar.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!