SUPERBALITA CEBU

Cebu City mihangyo sa IATF

ANG Cebu City Government mopadala og suwat hangyo ngadto sa Inter-Agency Task Force (IATF) national aron pormal nga tugotan ang dakbayan sa Sugbo nga makaabli sa ilang mga sementeryo panahon sa Kalagkalag.

Ang letter request gipadala ngadto nilang IATF Chairman Francisco Duque III, Cabinet Secretary Karlo Nograles ug Enviroment Secretary Roy Cimatu, co-chairmen sa IATF aron hatagan og exemption ang Cebu City nga makaabli sa mga sementeryo gikan sa Oktubre 29 hangtod Nobyembre 2, 2021.

Si Acting Mayor Michael Rama nidepensa sa iyang unang direktiba nga mag-abli sa mga sementeryo apan kadto rang fully vaccinated ang tugotan nga makasulod.

Unya labing dugay usa ka oras lang sud sa sementeryo, makapasulod og hangtod 50 porsyento sa ilang kapasidad.

“The City of Cebu through the Office of the Mayor most respectfully request for an exemption on the directive that all cemeteries nationwide should be closed from October 29 to November 2,” tipik sa suwat ni Rama ngadto sa IATF.

Si Rama niisyu og direktiba sa Oplan Kalagkalag diin ang fully vaccinated individuals lang ang makasulod, limitado hangtod usa ka oras ang ilang pag-istar sulod sa semeteryo ug 50 porsiyento ra ang kapasidad sanglit gipaubos na sa alert level number 2 ang dakbayan ug tibuok Sugbo.

“We are not being defiant to the IATF. On the contrary, we respect its authority. We give it due courtesy as we always stand on the Rule of Law. We have sought an exemption to allow us to proceed what we have long prepared for,” dugang sa acting mayor.

Matod ni Rama, angay hatagan og exemption ang Cebu City sanglit dugay na nila kining gipangandaman human gipaubos sa general community quarantine (GCQ) gikan niadtong Septiyembre.

Gipakusgan sa Cebu City ang ilang vaccination campaign diin kapin na sa 800,000 doses ang nabakuna ngadto sa mga tawo.(PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!