SUPERBALITA CEBU

Mabdos miambak sa bridge, patay

USA ka mabdos niambak sa Marcelo Fernan Bridge ug natugpa kini sa barko hinungdan sa iyang kamatayon, ala 1:53 sa hapon, niadtong Miyerkules, Oktubre 20, 2021.

Ang biktima giila nga si Maricar Auguis, hamtong ug residente sa Barangay Basio, Lungsod sa President Carlos Garcia, Bohol.

Matod ni PMaj. Eric Gingoyon, hepe sa Opao Police Station, nga base sa nakuha nila nga CCTV footage sa Philippine National Police (PNP) Regional Maritime Unit 7, nakita nila nga naglakaw si Auguis sa bridge ug nilayat dayon kini.

Sigon ni Gingoyon nga paglayat niini natugpa kini sa hatch cover sa M/V Lady of Prosperity cargo vessel nga nilabay sa ubos sa bridge.

Sa ilang pag-imbestigar ngadto sa crime scene, nakita nila nga aduna kini gidalang suicide note.

Sigon niya nga posibleng gipaabot ni Auguis nga moagi ang maong barko, tungod base sa gidala dala niini nga suicide note, gibutyag niini nga buot niyang mopauli sa Bohol.

Anaa sa iyang suicide note nga aduna siyay gisabak ug wala nay makaatiman niya tungod wala na siya’y kapuy-an.

Gani, gisaysay sad niini nga buot niyang mupauli sa Basyaw sa Bohol diin anaa ang iyang mga paryente sa iyang amahan nagpuyo.

Gisaysay sab sa maong suwat nga kung maabot na siya sa Bohol daghan na ang makatabang kaniya.

Tungod niini, sigon ni Gingoyon nga posibleng ang nakatukmod sa maong biktima nga mulayat tungod sa kaguol og sa depresyon.

Tungod niini, giawhag ni Gingoyon ang bisan kinsa nga adunay gibating kaguol tungod sa anxiety, stress ug uban pang mental poblems mamahimo silang makapango og tabang.

Alang sa Dakbayan sa Mandaue, mamahimo silang makakontak sa Mandaue City Health Office o sa Mandaue City Outpatient Recovery Clinic pinaagi sa pagbisita sa ilang Facbook o pagtawag sa (032) 230-4500 o (032) 253-8428.

Sa pagkakaron, wala pay mga kabanay ni Auguis nga nikontak sa kapulisan aron pagkuha sa lawas.(KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!