SUPERBALITA CEBU

LTO 7 mihatag og driving course scholarship

SCHOLARS: Ang mga kapin sa usa ka libo nga scholars sa pagkuha sa driving course sa Land Transportation Office (LTO) gikan sa bukirang mga barangay sa dakbayan sa Sugbo. / Gikan ni Dante Tabucal

ANG Land Transportation Office (LTO)-7 mihatag og libreng scholarship ngadto sa kapin 1,000 ka mga molupyo sa 12 ka bukirang barangay sa dakbayan sa Sugbo aron makakuha og student peprmit sa dili pa makakuha og driver’s license.

Ang maong mga individual nipaubos og 15 ka oras nga Theoritical Driving Course (TDC) nga maoy rekisito sa paglukat og driver’s license ilawom memorandum 2019-2176 sa LTO.

Kini nahitabo wala pay usa ka buwan dihang gipatawag ni Regional Director Victor Caindec sa LTO-7 ang mga barangay kapitan sa bukid sanglit iyang nahibaw-an nga mayoriya sa mga nagmaneho og motorsiklo sa bukid walay lisensiya sa pag-drive.

“We gave TDCs to the upland barangays that participated in the meeting with LTO, where the need for proper licensing and registration was discussed as key issues,” paghulagway ni Caindec.

Lakip sa mga barangay nga benepisyaryo sa programa sa LTO-7 mao ang Sudlon I, Agsungot, Busay, Babag, Bonbon, Sinsin, Sirao, Pamutan, Tabunan, Pung-ol Sibugay, Taptap ug Toong.

Niadtong Oktubre 21, 200 ka mga molupyo sa Sudlon-1 ang nakadawat na sa TDC ug nakapakumpleto sa 15 oras nga lecture ug nakakuha na sa ilang student permit.

Ang mga barangay kapitan sa nahisgutang mga barangay maoy nipili sa ilang mga residente aron sila makapahimulos sa scholarship sa LTO.

Sukad gilusad sa LTO-7 ang ikang Malasakit Driving Education Center (MEDC) ug MEDC Bus niabot na og 4,457 ka scholarships ang ilang nahatag nga nagbalor og P15 milyunes.(PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!