Ang Cebu Regional Trial Court (RTC) Branch 16 nimando sa kanhi Sulpicio Lines nga bayran og kinatibuk-ang P199.1 milyones ang 55 ka mga manununod sa nangamatay sa pagkalunod sa M/V Princess of the Stars sa Romblon niadtong 2008.
Gikumpirmar kini sa Public Attorney’s Office (PAO) sa usa ka press briefing kaniadtong Martes, Oktubre 19, nga niingon nga ang mga pamilya sa mga biktima nalipay sa desisyon.
Ang hukom gipakanaug 13 ka tuig human sa pagkalunod, nga giisip nga usa sa labing dako nga katalagman sa kadagatan sa tibuok kalibutan.
Ang M/V Princess of the Stars natikyaob sa Isla sa Sibuyan sa Romblon sa Enero 21, 2008 taliwa sa Bagyong Frank.
Sa 849 ka mga tawo nga sakay, 32 lamang ang naluwas.
Ang insidente maoy nakaaghat sa Sulpicio Lines Inc. sa pag-ilis sa ngalan niini niadtong 2009 ngadto sa Philippine Span Asia Carrier Inc. human napildi tungod sa trahedya.
Si PAO Chief Public Attorney Persida Rueda-Acosta niingon nga nakadawat sila og kopya sa desisyon sa Cebu RTC Branch 16 niadtong Oktubre 18, 2021 kalabot sa 59 ka consolidated cases nga gisang-at sa korte.
Sa 59 ka mga kaso, 55 ang nahatagan og danyos, samtang upat ang na-dismiss tungod sa kapakyas nila sa pagpresentar og mga ebidensya.
Siya niingon nga ang PAO moduso og tukmang motion for reconsideration sa upat ka mga na-dismiss nga kaso.
“Dili nakarating ang apat na pamilya sa mga kadahilanang hindi inaasahan. Magsusumite kami ng motion for reconsideration dahil ang ebidensya sa isa dapat ay ebidensya sa lahat,” matod niya.
Siya miingon nga ang 55 ka mga pamilya nga midaog sa kaso makadawat og kinatibuk-ang P199.1 nga moral damages, exemplary damages, ug loss of earning capacity.
Samtang ang attorney’s fees nga katumbas sa 10 porsyento sa kinatibuk-ang monetary award ang ibayad ngadto sa PAO.
Matod ni Acosta nga ang P199.9 milyones naglakip sa P200,000 nga kita sa insurance nga wala mabayri sa duha ka mga pamilya.
Ang desisyon, nga gisulat ni RTC Cebu Branch 16 Presiding Judge Dante Corminal kaniadtong Oktubre 6, 2021, nag-ingon usab nga “interest at the rate of six percent per annum shall be imposed in all monetary awards from the date of finality of this decision until fully paid. ”
Si Acosta nagkanayon nga gawas sa 55 ka mga kaso, ubay-ubay ang napasaka sa ubang mga sanga apan wala pa ma-consolidated.
Siya nidugang nga 71 ka mga kaso nga gisang-at atubangan sa RTC Manila Branch 51 ubos ni Presiding Judge Daniel Villanueva midaog usab niadtong 2015, apan kini karon subject na sa apelar atubangan sa Court of Appeals,
“Sana po ay matapos na agad ang mga kasong ito para sa ganon ay ang hustisya ay magkaroon na po ng pangingibabaw sa ating buong kapuloan at sa buong mundo,” matod ni Acosta.
Gipasalamatan niya ang mga huwes nga sila si Corminal ug Villanueva, mga abogado sa Sugbo, PAO forensic chief Dr. Erwin Erfe, ingon man ang mga saksi nga naglakip ni anhing Commodore Amado Romillo, ug mga sakop sa Philippine Coast Guard (PCG), sa ilang tabang.
“Nagpapasalamat po tayo sa judiciary sa ngalan ng dalawang hukom, Judge Daniel Villanueva and Dante Corminal. Mabuhay po kayo! Nagwagi po ang hustisya dito kahit mahihirap po ang kliyente namin at kami hamak na public attorney lamang, pinakinggan nyo po ang mga ebidensya na siniwalat ng aming mga eksperto at ganun din ang hinaing ng mga namatayan ,” matod ni Acosta.
Ang Cebu RTC Branch 16, sa ilang desisyon, nitataw nga ang pagpabaya nga gihimo sa master sa barko igo na nga ebidensya sa pag-establisar sa kapakyasan sa mga akusado (Sulpicio) sa paggamit sa talagsaong kakugi sa pagdala sa mga pasahero ug mga kargamento nga luwas ngadto sa ilang tagsa-tagsa ka destinasyon.
“There is nothing in record that the master of the vessel or his crew or officers supervised the loading of these dangerous cargoes to refute the allegations raised by the plaintiffs. This act was a clear indication of bad faith or done in a wanton, fraudulent, oppressive or malevolent manner, a complete disregard of the contract of carriage,” kini nagkanayon.
Giingon niini nga ang mga akusado ug ang mga ahente niini ““acted wantonly and recklessly before and during the ill-fated sinking of the M/V Princess of Stars, which is far below the standards of care and circumspection that the law strictly required on common carriers.”
Namatikdan usab sa hukmanan ang pagkarga sa endosulfan, usa ka delikado nga makahilong kemikal, nga wala ibutyag sa panahon sa pag-inspeksyon sa barko sa wala pa kini milawig.
Sa laing bahin, si PAO forensic chief Dr. Erwin Erfe, kinsa nangulo sa pagkubkob ug pag-ila sa 38 ka mga kalabera gikan sa Carreta Cemetery sa Sugbo ug ang kapin sa 100 ka mga kalabera gikan sa Carreta Cemetery sa Sugbo ug kapin sa 100 mga kalabera nga nakuha gikan sa nalunod nga barko, niingon nga hangtod karon ang National Bureau of Investigation (NBI) medico-legal division wa pa mosubmiter ngadto sa PAO ante-mortem data nga makatabang unta sa pag-ila sa ubang mga lawas.