SUPERBALITA CEBU

Dugang bag-ong 6K ka kaso sa Covid sa nasod

Dul-an sa 6,000 ka mga bag-ong kaso sa coronavirus (Covid-19) ang gitaho na usab sa Department of Health (DOH) kaniadtong Sabado, Oktubre 23, uban ang kapin sa 60 nga dugang nga nangamatay.

Sa alas 4 sa hapon nga bulletin, ang DOH nagkanayon nga 5,807 ka bag-ong impeksyon ang natala sa miaging 24 oras, nga nagdala sa kinatibuk-ang caseload sa nasud ngadto sa 2,751,667.

Ang positivity rate sa nasud niabot sa 10.3 porsyento gikan sa 58,834 nga mga pagsulay nga gihimo kaniadtong Oktubre 21.

Sa nakumpirma nga mga kaso, 65 pa nga namatay ang gitaho, nga nagdala sa nangamatay ngadto sa 41,585.

Ang rate sa nangamatay sa kaso naa sa 1.51 porsyento.

Gi-report usab sa departamento sa panglawas ang 9,578 nga dugang nga nangaayo nga nagdala sa kinatibuk-ang gidaghanon sa mga nangaluwas ngadto sa 2,647,031. Nagpasabot kini nga 96.2 porsyento sa mga pasyente sa Covid-19 nangaayo.

Minos ang mga nangamatay ug nangaayo, ang DOH niingon nga ang nasud adunay 63,051 ka aktibo nga mga kaso sa Covid-19, nga nilangkob og 2.3 porsyento sa mga impeksyon.

Kadaghanan o 77.7 porsyento sa aktibo nga mga kaso gikonsiderar nga mild, 8.8 porsyento ang moderate, 6.5 porsyento ang way simtomas, 4.9 porsyento ang grabe, ug 2.1 porsyento ang kritikal.

Niadtong Biyernes, Oktubre 22, ang DOH naka-report usab og 5,823 ka bag-ong mga kaso.

Ang inadlaw nga tally sa miaging tulo ka adlaw (Oktubre 19-21) ubos ra sa 5,000 tungod sa pipila ka mga teknikal nga isyu sa epidemiological surveillance system sa ahensya. (HDT / SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!