Ang Visayas Vaccination Operations Center (VVOC) niingon nga ang nabakunahan nga mga young adult sa Central Visayas maoy nag-una sa gidaghanon nga naigo sa breakthrough infections tungod kay kadaghanan kanila mga trabahante.
Ang tigpamaba sa VVOC nga si Dr. Mary Jean Loreche niingon nga sa 13,596 ka kinatibuk-ang breakthrough infections sa rehiyon, 8,209 o 60 porsyento ang iya sa young adults (18 ngadto sa 35 anyos).
“These are mostly the ones who go out to work. Most of them are asymptomatic at 6,463,” ingon ni Loreche.
Ang mga datos nga naa sa rehiyon, gipasabot ni Loreche, nisibo sa global nga datos lakip na ang gikan sa Centers for Disease Control (CDC) sa breakthrough infection sa mga nabakunahan.
Ang breakthrough infection nagpasabot nga ang tawo nga bakunado na naigo gihapon sa coronavirus disease 2019 (Covid-19).
Bisan pa sa mga impeksyon, ang pagpabakuna nagpabilin nga mahinungdanon batok sa grabe nga mga kondisyon o pagkamatay tungod sa Covid-19, ingon niya.
“The effectiveness of vaccines wanes over a certain period of time. No matter what vaccine. That’s why there are booster shots. Given a certain period in time, the protection given to us by vaccines wanes,” ingon niya.
Kon ang usa ka tawo gihatagan og usa ka dose sa bakuna sa Covid-19 ug paglabay sa 14 ka adlaw nasakit og breakthrough infection, posible usab nga sa panahon nga gihatagan sila sa bakuna na-expose na sila sa virus sa Covid-19 sa ika-15 nga adlaw o ika-17 nga adlaw nga mahimo nga wala pa magsugod ang ilang proteksyon.
“Remember, each of us, in basic immunology, have different responses in our immune system. Factors include our age, our nutritional status, our absence or presence of comorbidities and exercise for us to be healthy, all of which are considered in our immunity against a given vaccine for a particular offending microorganism,” ingon niya. (JOB)