SUPERBALITA CEBU

Wa nay kaso sa Covid sa Liloan sukad sa Oktubre 22

Ang Munisipyo sa Liloan mipahibawo nga ang lungsod walay gikataho nga aktibo nga kaso sa Covid-19 sukad niadtong Oktubre 22, 2021, human ang usa ka nahibiling kaso naayo sa maong sakit.

Sa ilang Facebook post, gipahibawo sa lungsod kining maayong balita ngadto sa mga konstituwente tungod kay kabahin sila sa pagkab-ot niini pinaagi sa pagsunod sa gipatuman nga health protocols sa gobyerno.

Gi-report nila nga adunay kinatibuk-an nga 12,674 ka mga kaso sa lungsod ang nakakompleto sa ilang 14 ka-adlaw nga quarantine period nga wala magpakita sa bisan unsang mga sintomas.

Bisan pa niini, sukad niadtong Oktubre 22, ang lungsod mi-report usab sa usa ka gidudahang kaso nga adunay mga sintomas nga susama sa influenza sama sa hilanat, ubo, ug sakit sa tutunlan.

Giila usab nila ang 28 ka mga indibidwal nga persons under monitoring (PUMs).

Hinuon, ilang giklaro nga kini nga mga kaso dili mga kaso sa Covid-19.

Ang mga PUM mao ang mga indibidwal nga nipailawom sa swab test ug naghulat sa resulta niini.

Sa ilang Facebook post, ang kapolisan, ingon man ang mga force multipliers hugot nga nagpatuman sa mga protocol sa gobyerno ug ang mga nakalapas niini giaksiyonan.

Busa, hugot usab nga gipatuman ang guidelines ug protocols sa mga establisemento ug kadtong mga makalapas mag-atubang og administrative sanctions ug immediate closure samtang ipahigayon ang imbestigasyon. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!