Tulo ka mga marijuana plantation sites gironda sa mga sakop sa Philippine Drug Enforcement Agency (PDEA) 7, usa niini sa lungsod sa Balamban samtang duha sa dakbayan sa Toledo nga mobalor og P20.6 Million.
Alas 10:30 sa Sabado sa buntag, Oktobre 26, 2021 ang mga operatiba sa PDEA 7 inabagan sa Provincial Mobile Force Company, Balamban Police Station, Naval Forces Central, Regional Mobile Force Batallion, 701st MC, ug 82nd Infantry Battalion lakip na ang 3rd Infantry Division sa Philippine Army unang mi ronda sa marijuana plantation sa sitio Quo, Barangay Gaas, bukiran sa lungsod sa Balamban.
Ilang naibot ang 11,500 ka punoan sa marijuana nga gibana-bana nga mokantidad og P4,600,000 nga gitanom sa 800 square meter nga luna.Naila nila ang nag tanom nga si Rodrigo Cabilles nga nakasibat.
Pagka ala 1:20 sa hapon, girumbo na usab sa raiding team ang laing marijuana plantation sa sitio Hikapon, Barangay General Climaco, dakbayan sa Toledo.
Gibana-bana nga 25,000 ka punoan sa marijuana nga mamahimo na nga ma harvest ang ilang naibot nga mokantidad og P10 million sa 1,500 square meters nga luna.
Nailhan usab nila ang nag tanom nga si Ernie Lagaza, apan nakasibat usab.
Ang katapusang lugar nga girumbo alas 3:40 sa hapon sa susamang petsa mao ang kasikbit nga luna sa sitio Hikapon nga adunay gilapdon mga 1,000 square meters diin nakaibot silag 15,000 ka punoan nga adunay kantidad nga P6 million. (AYB)