DRUG den nga nahimutang sa Block 7, Barangay Sawang Calero, Dakbayan sa Sugbo malampuson nga gironda sa mga ahente sa Philippine Drug Enforcement Agency 7 (PDEA) 7 alas 6:20 sa Sabado sa gabii, Oktubre 23, 2021. Unom ka mga tawo ang nadakpan.
Target sa operation mao si Pedro Gijan Jr., 29, mamaligyaay og bulad nga maoy drug maintainer.
Lakip sa nadakpan mao silang Jerwin Gijan, 42; Claudio Villarin, 59; Jenecer Rulida, 33,call center agent; Roberto Murillo, 44; vendor ug Marcelito Echivarre, 50, electrician.
Nakuha sa mga operatiba ang 29 ka pakete sa gituohang shabu nga motimbang og 17 gramos nga adunay kantidad nga P115,600 ug buy-bust money nga P730, lakip na ang mga gamit sa paghingos sa shabu.(AYB)