ANG Northport guard nga si Robert Bolick usa sa mga gidungog nga nalakip sa Filipino players nga gi-recruit para moduwa sa Japan B. League.
Matod sa report sa Spin.ph, adunay agents sa teams as B. League nga nakig-contact sa PBA players o sa ilang representatives para sa posibilidad nga moduwa isip Asian import sa nagkasikat nga liga sa Japan.
Ang kontrata sa 6-foot-1 nga si Bolick, ang No.3 overall pick sa 2018 PBA Rookie Draft, padulong na mo-expire ug wala pa kini maka-renew og bag-ong kontrata sa maong team.
Lakip sa nadungog nga gitanyagan sa B League team mao si Barangay Ginebra big man Japeth Aguilar.
Ang mga Pinoy stars nga miduwa sa B League mao sila Thirdy Ravena sa San-En NeoPhoenix, Kiefer Ravena sa Shiga Lakestars, Bobby Ray Parks sa Nagoya Diamond Dolphins, Dwight Ramos sa Toyama Grouses, Javi Gomez de Liano sa Ibaraki Robots, Juan Gomez de Liano sa Earthfriends Tokyo Z ug Kemark Carino sa Aomori Wat’s. (RSC)