DUHA ka mga tradisyonal nga kasaulogan ang nagsingabot, ang Kalagkalag ug Pasko.
Apan ang Department of Health (DOH) niluwat og pamahayag niadtong Sabado, Oktubre 23, ang mga panagtapok o salosalo sa Kalagkalag ug Pasko wala gidili, apan hugot nga giawhag ang publiko nga tali lang sa pamilya isip lakang sa pagpanagang sa pagtakboy sa coronavirus disease 2019 (Covid-19).
Si DOH Undersecretary Maria Rosario Vergeire nagkanayon atol sa Laging Handa public briefing nga ang 3Cs, o closed, crowded ug close contact places, kinahanglan nga ikonsiderar sa panagtapok.
“Mass gatherings are still prohibited, (but those taking place) within the bubble of the family are allowed, but safe
ty protocols needed to be implemented,” matod ni Vergeire.
“I-recognize natin ‘yan na (3Cs) ‘yan po ang mga pinakamagbibigay ng impeksiyon sa pamilya,” dason niya.
Si Vergeire niawhag nga kadtong dunay simptomas nga dili moapil sa panagtapok bisan dili pa kini kompirmadong Covid. Samtang, si Vergeire nipasidaan usab sa panagtapok nga pulitikal alang sa 2022 elections.
“Paalala naman po sa ating local governments, alam naman po natin at naiintindihan natin na nagkakampanya na tayo. Sana tayo na po ang magkaroon ng responsibilidad na magkaroon ng ganitong safety protocols during our campaign period,” dugang ni Vergeire.
Sa Kalagkalag naandan ang panagtapok sa pamilya ug daghan parties usab sa Pasko.
Ang nasudnong kagamhanan nipaluag sa kuwarentina sa nagkalainlaing dapit sa nasod, lakip sa National Capital Region. Sa Oktubre 23, ang DOH nitali sa 5,807 nga bag-ong Covid-19 cases.
Dunay kinatibuk-ang 2,751,667 ka infections ang na-record sa nasod uban sa 41,585 ka patay ug 2,647,031 ang naayo. (SunStar Philippines)