SECTIONS
Superbalita Cebu
Thursday, December 09, 2021
SUPERBALITA CEBU

Centenarians sa Tagbilaran

ANG mandato sa Department of Social Welfare and Development (DSWD) dili lang sa pagtabang sa mga kabus, vulnerable, disadvantaged nga indibiduwal ug pamilya, apan ang pagpatuman usab sa mga programa, serbisyo ug insentibo alang sa senior citizens.

Sumala sa mga pagtuon, ang average o sagad nga lahutay sa kinabuhi nag-edad og 71 anyos, apan tulo ka mga babaye sa dakbayan sa Tagbilaran milapas ug niabot og 100 anyos o labaw pa.

Dihang gihatagan og insentibo sa DSWD 7, sila nipaambit sa ilang kasinatian sa miaging usa ka gatos ka tuig nga pagpakabuhi ning kalibotan.

Si Lola Genoviva, 101 anyos, retired teacher sa grades one, two, ug three, nagkanayon nga dakong bahin sa iyang kinabuhi mao ang pagtudlo sa mga bata hangtod niretiro sa edad nga 61 niadtong 1981.

“Gusto ko magmaestra kay gusto ko magtudlo sa mga bata,” matod ni Lola Genoviva.

Bisan sa iyang edad, si Lola Genoviva lantip gihapon sa panghunahuna ug makahinumdom sa iyang mga kaagi labina sa mga ngan sa iyang mga anak ug mga apo.

Matod niya, aktibo usab siya sa simbahan ug mga kalihokan sa komunidad.

“I won a pageant in 1992. I was 72,” paambit niya, kinsa nagpili sa iyang pagkaon aron himsog.

Si Lola Socorro usa usab ka magtutudlo kanhi apan nibalhin sa pagtrabaho sa usa ka ospital.

Dihang batan-on pa, si Lola Socorro ganahan mosayaw sa musika nga Curacha, Rock n’ Roll, ug uban pa.

Si Lola Socorro nipaambit nga kaliwat nila nga taas og kinabuhi ug ang ubang kabanay niya niabot sa edad nga 120 anyos.

“Dili mag-abusar sa ilang kaugalingon, mokaon og sakto ug dili magpalabi ug magmalinawon sa pagpuyo ug dili mangitag away,” paambit niya bahin sa ilang taas nga kinabuhi.

Laing centenarian mao si Lola Rosita, 100 anyos, ug kanhi mananahi og gowns ug costumes alang sa special occasions.

Dili makatuo si Lola Rosita nakaabot siya og 100 anyos.

Bisan maglisod sa pangdungog, makahimo gihapon siya sa pakig-istorya ug maayo mopasiaw.

Ang tulo sa centenarians nakadawat og Letter of Felicitation gikan sa Presidente sa Pilipinas nga ni-congratulate sa matag usa kanila tungod sa taas nga kinabuhi ug nakadawat ang matag usa og P100,000 gikan sa DSWD.

Ang Republic Act (RA) No.10868 o the Centenarian Act of 2016 nagsaysay “All Filipinos, who have reached 100 years old and above, whether residing in the Philippines or abroad, shall receive a centenarian gift and a letter of felicitation.”

Samtang, si Tagbilaran City Mayor John Geesnell Yap nagpasalamat sa DSWD tungod sa pagtunol sa hinabang sa mga tiguwang.

“The 100 thousand pesos they receive from DSWD is a big help for the family, especially this time of the pandemic,” matod ni Yap.

Si Yap nagkanayon nga ang dakabayan nihatag og dugang P20 mil sa matag usa sa tulo ka centenarians.

“The impact is that the centenarians are very happy as they will be able to use the money as well as buy things that they need to buy,” dason ni Yap

Sukad sa 2016 data, dunay 12 ka centenarians ang nahatagan na og gasa sa Tagbilaran gikan sa DSWD. (RRM, PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!