Dear Papa Joe,
Ako si Rod, 27 years old. Ang akong problema di kabahin sa gugma apan murag ingana siguro, gugma sa trabaho.
Tungod kay sweldado ko, all out ko modala og trabaho. Maayo ko sa IT mao nga ako ang suguon sa akong supervisor sa pag-materialize sa iyang mga trabaho, labi na sa computer.
Katong nag-anniversary among company ug nangabot among big bosses, nakaana ko, “dawat ra diay ning uban og limpyo.” Wa gyud ko o kami gi-acknowledged nga part mi sa team. Maka-dismaya apan mao lagi, trabahante man ta. Ambot lang og nangayo ba ko og advise o nagpahungaw lang ko. Salamat.
ROD
Rod,
Tinuod apil ka sa gipasidunggan kay ikaw man kaha ang core sa inyong trabaho o ikaw ang naay output. Apan matod mo pa, sweldado man ta ug kon di sad ka mosunod sa sugo, insubordination man sad na, mataktak ka sa work ana. Apan kon ako nimo, kon gi-exploit gyud ka, maypa mo-resign ka samtang bata pa ka ug makakita pa ka og laing kompaniya nga mo-appreciate sa imong work.
Tinuod maski dako ka og sweldo sa work unya di ka happy, wa sad gyuy lami.
PAPA JOE
(sa inyong tampo ipadala lang sa papajoesuperb@gmail.com)