SUPERBALITA CEBU

Mga establisemento sa entertainment, internet cafes makabukas na

ANG Cebu City Government nitugot na sa pag-abli sa mga establisemento nga nagtanyag og entertainment human gipaubos sa Inter Agency Task Force (IATF) ang dakbayan sa alert level 2.

Ubos sa directive number 10-25-01 ni Acting Mayor Michael Rama, gitugotan nga maka-operate sa 50 percent capacity ang mga indoor establishment samtang 70 percent capacity sa mga outdoor activities para sa mga fully vaccinated individuals.

Lakip sa gitugotan mao ang mga cinema ug movie houses, amusement parks or theme parks, internet cafes, billiard halls, amusement arcades, bowling alleys, skating rinks, archery halls, swimming pools.

Gitugotan na usab ang limited face-to-face classes para sa basic education subjects apan kinahanglan nga aprubado sa OFfice of the President ug ang limited face-to-face para sa higher education ug technical-vocational education ug training lang.

Pwede na usab ang karaoke bars, clubs, concert halls, theaters, funfares, kid amusement industries sama sa playgrounds, playrooms ug kiddie rides.

Ang licensure o entrance examinations nga gidumala sa government agency ug mga susamang kalihukan apan kinahanglan nga aprubahan sa IATF.

Makapahigayon na usab sa contact sports, apan kinahanglan nga aprobado sa local government unit.

Ang mga establisemento nga gitugotan sa pag-abli sa unang higayon kinahanglan nga moduso sa ilang pandemic related contingency and action plan ngadto sa Office of the Mayor pinaagi sa Emergency Operations Center (EOC) ug Business Process and Licensing Office (BPLO).

Ang Office of the Mayor pinaagi sa EOC nga gipangulohan ni Konsehal Joel Garganera mopahigayon og evaluation sa contingency and action plan sa dili pa sila makakuha og certificate of approval nga maoy ilang basehan sa pagsugod sa ilang operasyhon.

Minors gitugtan

Ang Cebu City Government mitugot na sa paggawas sa mga menor nga nag-edad og ubos sa 15 anyos.

Apan kinahanglan nga sila kuyogan sa ilang mga ginikanan ug guardian kinsa fully vaccinated batok sa Covid-19.

Ang mga menor wala magkinahanglan og guardian sa ilang paggawas kon sila mopalit sa essential goods o mopahimulos sa essential services.

“Subject to other legal restrictions, minors and children who are below 15 years of age may be allowed in authorized establishments,” tipik sa directive ni Rama.

Si Garganera nipasabot nga kining mga establisemento nga mapasudlan sa menor mao ang malls, hotels, restaurants ug kadtong mga lugar diin malingaw ang mga bata sanglit ubay-ubay na usab nga mga establisemento ug activity nga gitugtan sa Cebu City.

Sa samang kamanduan, ang kadtong 15 anyos paubos nga walay makauban nga ginikanan ug gusto nga mosulod sa maong mga establisemento wala gitugotan sa gobyerno. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!